高钧贤相隔六年重返无线　坦诚为回巢铺路：你可以话试吓水温

05年首届冠军港男高钧贤（Matthew）自从14年约满无线后，便北上发展演艺事业。事隔六年，今晚（23/6）终重返娘家无线出席《流行经典50年》节目录影。被问到是否为回归无线铺路试水温？Matthew接受《香港01》访问时说：“其实我好挂住香港嘅观众，虽然我喺上面拍咗六年剧，无论观众及记者嘅感觉都好唔同，喺香港大家好似朋友嘅一样，所以好想有返呢种嘅感觉，你可以话试吓水温，咁啱时间又夹到，如果缘份可以返嚟拍剧，我都会好开心。”

北上发展这六年间，令Matthew体会到工作机会得来不易，承认过去在无线的时候思想太过幼稚，“以前喺无线嘅时候，自己好似BB咁，咩都等佢哋安排，甚至乎自己好多嘢都唔识去争取，而到自己出到去嘅时候，角色都唔系话咁易得返嚟，呢样嘢就令我反思返自己以前，系咪可以做得唔同啲呢？除咗年纪都长大，都帮助到我宜家嘅思想。（当年喺无线时，会否觉得自己任性？）绝对系，如果俾返而家嘅我嘅心态同经历，要我从头做过，我会选择留低。（内地拍剧每集几钱？）每集价钱都有五位数字，再高啲价钱都有，不过自己求机会多过钱。”