传屎莱姆势力操控YouTuber界　 谭杏蓝坦言：若然知道亦唔会多讲

谭杏蓝（小花）今日（20/5）现身九展出席ViuTV音乐节目《Chill Club》记者会。对于近期有消息指，由屎莱姆为首的“屎家军”，在香港YouTuber界拥有庞大势力，几乎垄断整个香港网络市场兼控制网络舆论的短片，背后涉及庞大公司利益，对于一些“唔听话”、“唔埋堆”的YouTuber都会一律封杀。

身为“YouTuber”网络界红人的小花对此接受《香港01》访问时坦言：“其实大家都知有呢件事，但其实都系头几日，好真真正正嘅来龙去脉，大家都未太清楚，咁所以静观其变，因为我个人比较系与世无争嘅个一群嘅人，其实我都睇到各方唔同嘅争辩，咁自己尽量企喺中立嘅位置，睇下发生紧乜事，但系就算知道，我谂我亦唔会多讲。”（觉得屎莱姆为人如何？）小花表示：“喺我同佢倾偈嘅时候，我觉得佢系一个好人嚟嘅，讲真边个同边个嘅瓜葛，我真系好少理，因为自己真系唔系好得闲。”

谭杏南表示自己公司对她的言论好放任：“公司对我嘅言论，好自由嘅，我钟意讲咩就讲咩，我同屎莱姆认识嘅，(妳同佢熟络吗?)好难界定熟定唔熟㖞?但我就系与世无争嘅人嚟嘅，尽量企喺中立嘅位置，就算知道我都唔会多讲喇。”