【美女郊游游】沈殷怡肚腩成亮点 原来饮酒成瘾有关 :我戒唔甩

撰文: 吴子生
出版:更新:

沈殷怡(Shirley)今日(20/5)现身九展出席ViuTV音乐节目《Chill Club》记者会,提到凭节目《美女郊游游》以独特性感造型行山成功弹出,人气火速爆红,引起城中热话,但亦有网民觉得Shirley身形略胖。

Shirley自爆最爱饮品,原来系啤酒。(陈志岚摄)

Shirley就此接受《香港01》访问时笑说:“我第一集摆明系卖肚腩俾大家睇,哈哈!其实都想借行山呢样嘢,话俾大家知真系可以减到肥,不过讲真自己喺日常饮食方面都唔系好注重,自己亦又唔做运动有关,有阵时我会凌晨三点嘅时候,喺度打边炉饮啤酒,因为啤酒系我最爱嘅饮品,我系会无时无刻都好钟意饮啤酒嘅女仔。”

Shirley爱好啤酒,原来受父亲大人影响。(陈志岚摄)

(受咩人影响钟意饮啤酒?)Shirley直言受父亲影响:“因为细个嘅时候,陪我Daddy倾偈嘅时候,佢好钟意饮啤酒同红酒,当时我觉得红酒白酒好难饮,于是我就拣咗饮啤酒,因为易入口,好似当汽水咁饮,当时就系咁钟意饮啤酒,之后想戒都戒唔甩,变咗每日都会饮,曾经试过开Live都饮四罐啤酒,哈哈!”

天气暑热,Shirley觉得叹一杯冰冻啤酒相当解喝。(陈志岚摄)