【瞩目配角】黄泽锋感激太太令家庭完整：担心佢年纪大容易流产

在Google搜寻“高龄产妇”，所得到的“高龄”定义是超过34岁式以上。
2019年，当时黄泽锋的太太陈丽丽（Lilian）以52岁“高龄”成功为诞下女儿黄熙恩，此事震撼整个香港娱乐界，黄泽锋：“我个咁嘅人，有个咁嘅太太，仲生埋个女，夫复何求，仲想点吖？”

2004年，黄泽锋与第一任太太离婚，同年，他面临生意失败，与好友合资所开的火锅店受着03年沙士的打击下终撑不住正式结业。“沙士嘅时候我乜都冇晒，好惨，否极泰来，如果我当时我真系谂唔开，跳咗落去，我唔会有今日。”

曾经因为2003年跌入人生低谷想过轻生；如今2020再临新冠肺炎，主要靠教游泳、泰拳维生的他手停口停，但现时53岁的黄泽锋接受专访时仍能谈笑风生，更因为疫情而“换来”更多时间陪着女儿、太太而深感确幸：“好彩我呢段时间陪住佢，因为佢而家未到一岁，呢几个月好多唔同变化，今次呢个疫情令到我可以坐定定，又唔去得街啦，反而好享受，好开心。”

【瞩目配角】黄泽锋因03沙士生意失败 再遇疫情更感慨：乜都冇晒

网友变太太

“我哋闪婚嚟嘅，拍咗一年左右咋嘛！”2010年，黄泽锋与陈丽丽结婚，当时他们都已经超过40岁：“呢个太太其实我系喺Facebook识嘅，大家谂都谂唔到！我好早期就玩Facebook㗎喇，𠮶时我喺Facebook识咗个女仔，我同佢冇嘢嘅，咁我哋就约食饭，佢就揾多咗个人陪，𠮶个人就系Lillian，即系我而家呢个太太。咁结果我就同我太太Friend啲，咁我同佢有共同嘅宗教嘅，其实都系阿弥陀佛嘅嘢，之后就拍拖，咁拍到咁上下，我哋两个都有返咁上下年纪，唔系结就分㗎啦，咁我就拣咗结婚。”

52岁高龄产妇
对于太太在52岁仍然甘愿做高龄产妇，最后还成功诞下爱女，泽锋感激太太无私奉献之余，亦多谢上天恩赐：“结婚嘅时候已经谂㗎喇，𠮶时都已经四十几岁㗎喇，渴望咗好多年。每次太太迟咗嚟M就谂系咪有机会有，由一开始好有希望，到后期我哋都接受咗冇就冇啦，头𠮶5、6年都好渴望有嘅，到后期就算月经迟咗㖞！我都会觉得算啦！我唔想空欢喜，直到一刻，成个世界平静落嚟，咁就有咗。咁我都好惊㗎，因为我哋两个都好新，又担心佢年纪大，好容易流产，有好多嘢要注意，我哋从来都冇生过仔，鬼知咩！”

生儿育女，贤良淑德—从来不是女性的“应份”

结婚生仔，做家庭主妇相夫教子，这种对“女性”的定义已逐渐成为过去，正如黄泽锋亦由最初太太未能怀孕，到后来不再强求。不过在泽锋眼中，Lilian是一位百分之百的贤妻良母：“我欣赏佢有性格，有才华嘅人，佢性格又好，同埋佢系设计师嚟，谂嘢好快，会试好多唔同方法，到而家呢一刻佢都帮紧我去管理我嘅工作，所有嘢都系佢帮我安排，仲有我个女啲嘢我唔洗忧。”除此之外，泽锋亦因为与太太结婚十年从不吵架而感到意外：“我拍拖有几何冇嗌交呢？但我同佢拍拖都唔嗌交，真系大吵大闹擸嘢𠮶啲我哋完全未试过㗎，（你以前有呢啲经验？）有女人系咁㗎，你唔好谂住系应份㗎，有啲人系癫㗎，总之4尺以上嘅嘢全部扫平啦！电视机呀，啲柜上面嘅所有嘢扫平，我都见识过！但系我太太唔会。如果100分满分，我都畀到佢99分㗎喇，争𠮶1分就系小器㗎啫！”

如果你问我嘅话，我觉得我可以用幸福嚟形容，同埋我家庭系完整。