【开心速递】吕慧仪疑闹走女主播　周嘉洛：与事实不符

周嘉洛今日（14/4）现身将军澳电视城出席无线处境喜剧《爱·回家之开心速递》宣传活动。对于近日有指同剧好友吕慧仪（阿蟹）疑不满女主播周佩婷前来采访，劈头第一句话：“你今日有乜讲？”，而令阿蟹无名火起，当众喝斥对方：“你知唔知我哋拍紧嘢？”令对方知难而退，事后遭到网民评击。

嘉洛就此事表态，感到百般无奈：“其实当日我见到佢哋两个系好正常嘅对答，过程都好正常，之后我睇到啲报道话佢哋双方闹交，甚至有啲报道形容我嘅说法，话阿蟹讲嘢大声，其实𠮶个情况冇发生到，完全冇报道所写双方争吵，与事实不符，所以我都好担心自己会唔会讲错嘢。”（重遇该位女主播会否觉得尴尬？）嘉洛续说：“又唔会，反而大家都会觉得好无奈，好似畀人将件事搞到不断咁发酵，有啲小题大做咁嘅感觉。”