【开心速递】林凯恩厨艺叻　原来由细训练：读紧小学要照顾哥哥

林凯恩（Iris）今日（14/4）现身电视城出席《爱·回家之开心速递》宣传造势活动。提到疫情下，无工开的日子，Iris透露在家抗疫玩下煮饭仔打发时间，更自爆精通中西煮法，入厨经验将近二十年：“其实由我读紧小学嘅时候，就要去买𩠌煮饭照顾哥哥，因为哥哥读书辛苦，佢要早瞓觉，加上当时妈咪要返工冇时间煮，照顾哥哥嘅责任，就由我做细妹去做。（当时最叻煎肠仔？）唔好睇少我啦，我𠮶阵时已经识整蒸水蛋、炒下菜蒸下鱼，同埋最叻整糖醋骨。我起初学煮饭嘅时候，试过煮饭冇落水去煮，搞到成煲饭煲㶶咗，不过经过磨炼之后，开始识煮一餐饭再识去买𩠌，都觉得自己似返一个女仔都几开心嘅一件事。”