【打天下】文颂娴14年后复出拍剧感谢欧锦棠：有佢喺度我安心好多

香港首部以空手道为主题的电视剧《打天下》将于下周一（13日）在ViuTV播出，这也是演员文颂娴（文女）继2006年的《施公奇案》后时隔14年再演港剧。至于当中的契机，她就说完全是因为欧锦棠诚意邀请：“今次系佢第一次监制嘅电视剧，我知道空手道题材嘅影视作品系佢好多年嚟嘅心愿，佢揾我帮手，我就一定会撑佢。”
问到久违回归演员身份有什么感受，文女说：“本来拍剧对我嚟讲系一个好熟悉嘅环境，而家变到好陌生，太耐无拍好多面孔已经唔同；好彩有阿棠（欧锦棠）喺度，我安心好多，又一齐回忆下以前拍剧系点样，好似聚旧嘅感觉。”

18年后与棠哥再续前缘

文颂娴与欧锦棠其实早在亚视时已经合作过，包括1997年的《我来自潮州》、1999年的《广东十虎》，以及无线时期于2002年合演《烈火雄心2》，这是二人时隔18年后再度合作，文女说：“可以话系一个延续，我之前同佢饰演情侣嘅电视剧，观众嘅反应都好好，算系一个荧幕情侣嘅认可，今次再合作可能系希望唤醒当时观众嘅回忆。”文女又感慨：“我哋曾经合作嘅时候只系十几廿岁，而家唔讲几多岁啦，但再合作已经系另一个层次，大家都成长咗，演绎方法亦都唔同。”

回忆亚视拍剧感无奈：好似做得几好都注定系低收视！

文颂娴曾经在亚洲电视与无线电视都拍摄过不少影视作品，是次与ViuTV合作，问到感受有什么不同，她说：“对于我嚟讲都系咁样做，以前亚视成日俾人话低收视、又话系惯性收视，其实听咗会唔舒服，始终当时喺ATV做紧，但咁样畀人讲，好似无论做得几好都注定系低收视。”她说可是年青的时候心里面总有团火，无论怎么也会畀心机去做。

文颂娴续言：“TVB就多人好多，人际关系各方面都同之前好唔同。其实呢套正式嚟讲都唔算系同ViuTV拍，始终揾我嘅系阿棠，佢（ViuTV）亦都冇自己嘅厂房，所以好多时候都系外面拍，我都系第二次嚟。” 至于是次回归会否再次燃起对演戏的热情，日后会接拍更多作品，文女就说：“戏瘾就唔多唔少都会有，但系有啲嘢要发生嘅时候就会发生，我唔会谂咁多，随缘啦！”