【埋嚟睇．埋嚟玩】伍咏薇自嘲“老衬底”：虽然我个样生得好坏

全港首个以电视直播形式的 ViuTV全新互动游戏节目《埋嚟睇·埋嚟玩》，将于3月2日晚十点半隆重首播，更找来一向予人大癫大肺玩得之感的伍咏薇（伍姑娘）压阵做总主持，并会在每集选出四个“最具创意答案”得奖者，每人可赢取港币一千元正。

伍姑娘指出过往做直播的综艺节目，都会出现在大骚活动上，但以半小时形式玩互动游戏赢奖金是史无前例：“其实对我嚟讲系一个好大嘅挑战，因为要我好似返工咁，每晚都要十点半至十一点都要栋喺度做直播，虽然我个样生得好坏，好似食烟饮酒打牌样样齐，但现实中我其实系一个宅女，系一个“老衬底”，一到夜晚我就好眼瞓𠮶啲人。”

至于为何被选中做孭飞节目总主持，伍姑娘娓娓道出个中原因：“其实年底嘅时候已经倾紧呢次合作，佢哋都考虑过边类型嘅主持啱做呢个节目，我自己谂选择系可以好多，其实可以唔多嘅，因为好多女演员本身都会有好多包袱，因为佢哋会好多顾虑嘅说话唔讲得，但大家都知我从来都冇包袱喺身，我会咩都讲，咁所以变咗大家觉得我好啱做呢个节目，就揾咗我做。”（酬金好高？）伍姑娘笑言：“电视台出手一定唔会好高，但大家都明白制作嘅嘢，如果我话好多钱都系呃你㗎啦！但本身价钱都唔系太低嘅，系我几满意又几舒服嘅价。”