森美透露父母隔离情况 有三餐供应：水果都唔可以攞畀佢哋
撰文： 吴子生
出版：更新：
森美父母早前乘坐邮轮钻石公主号，因有旅客被感染武汉肺病毒，被迫滞留在日本横滨接受十多天的隔离，日前终于乘坐政府安排的第二班包机抵港，但随即被安排入住隔离中心接受十四天隔离。森美知道父母安全抵港后，随即在社交平台发文感谢帮手协助的所有朋友，及抗疫中的每一位。事后被网民留言围插：“冇良心，点解唔多谢政府？”
森美今日（24/2）出席无线综艺节目《娱乐大家十点半》录影时，就此事回应：“当然我真系冇咁仔细谂话多谢边个，当时只系讲多谢所有人，其实我觉得大家心照啦，即系等于上台攞奖嘅时侯，讲多谢所有照顾自己嘅人时候，唔通又话我唔多谢TVB呀，当我话多谢乐小姐（乐易玲）嘅时候，唔通又话我唔多谢Sandy（余咏珊）呀，其实边有谂得咁多呀，其实我喺个Post都有讲多谢所有帮过手嘅人，其实我觉得以人嘅个体行先啦！”
至于父母身处在隔离中心的情况，森美透露情况良好：“当局会提供三餐膳食畀佢哋，不过有时都会迟送到，啲饭𩠌有啲冻，不过都唔系好严重，况且唔系嚟度假，如果佢哋肚饿都有杯面食，所以问题不大。如果我哋想买嘢食畀佢哋，又唔系乜嘢食物都可以攞畀佢哋，水果都唔得㗎，咁唯有买啲杯面等佢哋肚饿时，都可以方便煮嚟食。”
森美提供的隔离营情况：