【姊妹淘】吴若希自爆曾逼老公试母乳　梁丽翘分享患乳腺炎辛酸史

TVB节目《姊妹淘》每集都会请来不同的嘉宾分享心得，而在日前播出的一集中，有份主持的吴若希（Jinny）就同两位靓妈孙慧雪同梁丽翘（Nicole）在“姊妹嘈”环节中大谈生仔经。三位妈妈除了分享产后修身的经验之外，还大谈喂母乳的经历！

经历怀胎十月的过程，不少妈妈产后都透过扎肚极速修身，有助产后盆骨复原。不过当时选择剖腹产的雪雪，在产后一个月就扎肚，结果出事：“我有啲心急，过咗一个月就走去扎，结果内出血。大家一定要小心啲，真系要肯定伤口埋好晒，因为医生话我个BB大，所以我开个刀口特别大，我复原要差唔多三四个月先开始扎。”

除了产后修身之外，喂母乳对于每位妈妈来讲都不容易，Jinny大爆老公对母乳很好奇，更逼对方试味：“佢自己有问过，跟住我就逼佢试，佢一路都唔肯试，但系最后逼完佢之后佢就话‘腥嘅’。”而Nicole就透露自己在产后两星期就患上乳腺炎，最后靠催乳师打救：“我发烧发到39度，泵奶泵唔到出嚟，因为塞咗。然后我要介绍畀大家我以前从来冇听过一样嘢（职业）叫催乳师，佢帮你按摩，佢话你自己泵定先，唔好嘥咗，但我泵系乜嘢都冇。之后佢（按摩）出到嚟，啲奶飞到上天花板！”

其实Nicole在BB出世后曾两次患上乳腺炎，但她仍坚持喂哺母乳，她在接受《香港01》访问时大谈辛酸史：“以为生仔辛苦，原来喂奶仲辛苦。我记得乳腺炎𠮶几日，成个人“瘟瘟沌沌”，完全唔知自己做紧乜，发烧发冷，伤口又痛，乳房又痛……两个新手父母，一个昏迷，另外一个要做晒所有嘢，所以大家都好辛苦。最后陪月介绍咗一个催乳师，𠮶个人超劲，冇痛下搞掂咗，因为原来乳腺都有分粗幼，我嘅乳腺细，所以好容易塞。佢用自己嘅按摩方法，推下㩒下咁，过咗一两个月，一嚟自己熟手咗，二来乳腺成熟，就唔使再揾人帮手自己搞得掂。（收费如何？）一次通常一个钟左右，睇下你自己嘅情况，价钱唔同师傅收费唔同，八百到千几蚊不等。”