【姊妹淘】吴若希自爆曾入男友屋企疯狂打烂嘢：揾开锁佬爆佢个锁
撰文： 董欣琪
出版：更新：
吴若希（Jinny）有份主持的TVB节目《姊妹淘》每集都会请来不同的嘉宾分享心得，今季加入了新环节“姊妹嘈”，主要讲姊妹之间的感情以及与异性相处的问题。在日前播出的一集中，Jinny就自爆曾“爆门”进入当时男友（即现任老公）家中，更疯狂地砸烂屋内的物品！
+11
Jinny不时在社交平台Post一家三口的合照高调放闪，但其实她与老公Alex曾分手过一段时间，之后两人才复合。Jinny在节目“姊妹嘈”环节中大谈与另一半相处的点滴时，就大爆自己曾癫到乱砸烂物品：“我同现任嘅老公中间其实有分开一段时间，𠮶阵时我上咗佢屋企打烂晒所有嘢，包括电视、鱼缸、花樽、床。点解会令我咁嬲呢？就系因为佢换咗屋企个密码锁，啫系摆到明要隔开我啦，以后谂住唔见我啦。跟住我就揾咗开锁佬上去爆咗佢屋企个锁。𠮶次应该系我最差、最激动嘅一次。”
+11
Jinny癫到“爆门”又打烂晒所有嘢，相当疯狂，身为主持的张宝儿和蔡嘉欣都忍不住问两人要如何和好，但Jinny就讲笑话：“和好唔到㗎，所以我而家好憎佢。”不过夫妻之间相处闹交在所难免，但其实Jinny与老公都有一套夫妻相处之道：“闹交其实都好讲求一个默契，一个愿打，一个愿挨，我觉得喺我哋两个之间嘅关系系绝对完全一定存在嘅。我自己其实都几Enjoy呢种关系，我觉得闹交对于我嚟讲，某程度算系增进感情。”
+5
而担任节目嘉宾的黄嘉乐就表示非常认同Jinny：“两个人闹交，当时嘅情绪一定会毫不留情咁讲出对方嘅缺点。当然只要有啲不能够讲嘅Key Words冇讲到出嚟，事后谂返其实佢都话得我啱嘅，咁咪变相系互相了解，增进感情。嘉乐还说每次闹交都一定是自己先道歉：“因为我好爱我嘅另一半。”果然是绝世好男友呀！