【武汉肺炎】森美父母被困邮轮钻石公主号 ：好担心佢哋安危

森美今晚（14/2）现身电视城出席无线特备节目《全民开讲齐抗疫》录影时，透露父母目前身在日本横滨靠岸的邮轮“钻石公主号”上被隔离，情况令人忧虑：“其实屋企人系知道佢坐邮轮去旅行，但我就冇记住佢坐边一架邮轮，到后尾先由哥哥话畀我知先知道，我宜家唯一担心嘅系佢哋嘅安危，佢哋都隔离咗7、8日左右，又担心佢哋闷啦,喺间房唔出得去啦，因为佢哋宜家被隔离喺自己间房度，间房系用紧中央冷气，惊𠮶度有病毒散播变得高危，我希望佢哋可以尽早离开邮轮。我哋主要就系帮佢哋解闷，同佢哋交待疫情最新资讯，始终佢哋系老人家，上网揾料都系我哋后生好啲，早午晚三餐都有人俾佢哋食呀，食物又好嘅，每一餐都有汽水,咁亦有口罩同搓手液俾佢哋,咁情况都ok嘅,但都好想佢哋快啲返嚟啦。”