李佳芯对田蕊妮离巢TVB大感可惜：总有机会合作！

李佳芯（Ali）今日（14/1）现身将军澳电视城出席TVB《保良爱心庆新春》录影活动，她透露新年将会非常忙碌：“要搬屋、布置屋企、买花、全盒、买糖果、封利是，全部都惯咗我做，因为屋企得我一个女。”

新年将至，Ali表示会外出买花，但不会去行花市：“实在太多人，同埋又要唔瞓觉，我呢个年纪好难成日通宵，因为拍剧已经要通宵。”被问到会否去男友陈炳铨（Danny）家拜年，Ali说：“未必会上屋企，但会食餐饭，屋企食定出去食就年年唔同。（屋企人有冇催婚？）冇冇冇，新年系唔适宜催婚，唔吉利！咁大个人唔使催，有自己计划。结婚未有计划，今年嘅planning都系同工作有关，有啲嘢想做终于今年做到，都系进行中，未到公布都唔讲住。但好期待，系新嘅尝试。”

田蕊妮今日宣布即会离开TVB，Ali说之前都有留意报道：“今日见到佢好开心，佢正式宣布就今日先知。离离合合都系常态，有合约起就有合约完，唔会特别惊讶。（自己会唔会都跳出comfort zone？）我不嬲都系跳出comfort zone嘅人，依家好想做嘅嘢以前冇时间做，今年之内要实行晒，对我嚟讲系好大挑战。”

有不少艺人相继离开TVB，Ali对好拍档离开大感可惜：“阿田系好好嘅对手，我同佢最多研究戏剧，好少人同我工作研究戏剧，佢系一个好好嘅对手同前辈。希望喇，总有机会合作。”