陈康健离巢TVB旺角街头卖唱：观众畀我嘅钱系有爱同尊重

参加无线（TVB）歌唱比赛《超级巨声》而入行的陈康健，唱功非常了得，可惜加入TVB后一直未有机会发挥。上年年尾，陈康健在社交平台上宣布离巢，结束与TVB十年的宾主关系。康健曾表示离开TVB并没有为生活带来负担，因为收入来源主要是教唱歌和busking。近日发现陈康健在旺角街头卖唱，他拿起结他，自弹自唱Beyond名曲《光辉岁月》，吸引了半百名途人围观，更有不少人上前放低钱。

相比起在无线拍剧的日子，陈康健更享受在街头busking的生活：“我觉得我自己系一个歌者、艺术家，钟意做自己喜欢嘅事。Busking嘅世界，同TVB嘅世界的确系有分别，做TVB艺员或者歌手，可能有冇得唱歌、唱啲乜嘢歌，都未必到你拣。在TVB台上嘅感觉，唱起上嚟，我望唔到观众对眼，因为台下好黑。而优点可能系专注一啲、音响好啲，畀多啲人听到。Busking就真系好自由、好随心。你接触到嘅人，佢畀返鼓励你。你望到佢哋，知佢哋谂乜嘢。我钟意唱乜嘢就唱乜歌，冇任何枷锁。”

陈康健将在TVB做歌手比喻成高级餐厅,，而Busker就是大排档，两者各有好处：“可能如果有一日喺TVB做佢哋嘅歌手，对比busker嘅话，我感觉TVB歌手就系高级餐厅，食饭要有dress code、着靓靓。做busker就好似落咗大排档，好热闹同埋温暖。边样好食？两样都可以好好食，煮𠮶个人煮得好食就好食，煮得难食就难食。做唱歌的，无论是高级餐厅嘅歌手，还是大排档的busker，我觉得自己喜欢音乐、唱歌，是一生不变的。”

康健现在能将自己的兴趣变成工作，赚回来的一分一毫都来得更有意义和满足感：“Busking带嚟嘅收入一定系比做任何嘅工作更有满足感，因为收嘅每张20蚊都系带着观众的爱、尊重和祝福，同时间我又好想为香港人，用我嘅歌声撑住佢哋。真正喜欢做的事，由细到大都系一个歌手，希望我嘅歌声可以穿透喺每个人嘅世界同埋心中。That's why I am doing busking. And I looking forward。”