“叱咤”同前辈谢安琪合作感放松　姜涛遇负评︰预咗有咁样嘅评论

姜涛周一（13日）跟Anson Lo（卢瀚霆）一同出席活动。即将出第四首Solo歌的姜涛指今次的新歌会拍MV，是一首唱跳歌，应该会在4月前推出，在旁的Anson Lo就好支持兄弟，笑说：“劲啊！呢只歌！”姜涛就想可以亲自参与拍MV的策划过程，在旁的经理人花姐（黄慧君）笑说：“我未应承俾你拍呢个MV，因为你都未减到肥！”Anson Lo就开玩笑地帮姜涛定了他的减肥目标是60kg，难怪问姜涛距离目标还有多远，他笑说：“争一世！”

早前姜涛跟传媒讲过，在拍歌曲《亚特兰提斯》时遇到一个长发素人女生，觉得对方几靓女！被问及此时，姜涛说︰“我觉得随缘啦，佢只系可能一个过眼云烟嘅一个人，唔洗太重著呢个女仔嘅嘢。”他又说︰“详细地点唔记得咗啦。（冇留低联络？）冇啊，三唔识七好难联络嘅。”

早前《2019年度叱咤乐坛流行榜颁奖典礼》上，谢安琪（Kay）为姜涛钢琴伴奏，唱出《我们的基因》，乐迷们对这个组合大感惊喜，他们两位也各自在IG贴出合照，看来合作愉快。姜涛自爆一开始以为对方是一个好“恶”的前辈，他说︰“同前辈合作嘅话，通常都有啲压力，跟住都会幻想会唔会好恶呢？但系去到彩排嘅第一日就已经好放松，佢好有耐性咁教我点样弹琴，因为我本身唔识弹琴，所以成个过程比我想像中放心。”

Kay和姜涛的组合令人有新鲜感，粉丝们有赞，当然也有人“弹”，始终Kay是歌曲的原唱者，姜涛坦承︰“我唱呢只歌之前，已经预咗有咁样嘅评论，其实呢啲评价唔单止系同谢安琪合作呢次，由出道以嚟到而家都一直有呢啲嘢，所以唯有自己去改进，因为人哋嘅批评都系自己进步嘅动力之一，唔可以将佢谂得太过负面。”在旁的Anson Lo表示MIRROR所有人都劲羡慕姜涛可以跟Kay合作，有这个机会也为姜涛感到开心！

点击下图睇吓更多靓相︰