陈卓贤Ian为自己坚持练大只　姜涛有心无力：点放弃啲美食？

今日（7/1）MIRROR队长 Lokman（杨乐文）带同成员姜涛、Ian（陈卓贤）、Anson Kong（江𤇹生）现身澳门威尼斯人出席时装品牌新店开幕礼。谈到新一年的展望，Ian说：“为咗自己要练大只啲，初初为咗拍剧，𠮶时话要剥衫，唔可以失礼人。之后就自己性格，同天生，就觉得做咗就要做到最好，唔好得过且过，拍完剧我都会keep住操好啲。大家都觉得我唔衬太大只，都唔会去到健美人士咁大只，着咗衫个人睇落瘦咗，主要系身形fit啲好睇啲。做就做到尽，去到尽。”

Anson Kong亦开始健身，更相约Ian一齐做gym：“我完咗剧，都冇咩做，又见佢做得咁开心。嚟紧今年我又出solo，我想身形好睇啲，咁我就跟随下佢嘅步伐，一个好正面嘅影响。”

问到姜涛会否跟Ian、Anson Kong练大只：“好难呀，太钟意食嘢，点样放弃啲美食？（Ian：‘照镜𠮶时就会觉得抵晒。’）”Anson Kong笑指姜涛是有心想做，但未必会实行：“佢觉得做运动操肌唔系问题，戒口系问题。佢未必接受到佢（Ian）嘅方法，我𠮶个系尽量自己去调节，夜晚唔好食咁多碳水嘅嘢，晏昼有活动食返少少油腻嘅嘢都得，但夜晚尽量清淡啲，咁样舒服啲，佢（Ian）24小时都太清淡，真系唔得。”

MIRROR成员相继在IG po露膊锁骨相，但今日出席的4位成员都未有上载，Lokman笑言：“喺本书度出咗，迟啲先，因为而家啱啱品尝完，隔耐啲，过个冷河再品尝。（Anson Kong：‘两周年嘅时候出嚟remind下大家。’）”