【全民来电】自爆台上好型但打机成碌木　Oscar拎MVP即向JJ𢯎Like

《全民造星II》的季军Oscar（李祉均）、JJ（范卓言）是为ViuTV的电竞综艺节目《全民来电》的电竞队成员之一，并要与ERROR进行对垒，谈到是次与《全民造星II》的感觉截然不同，JJ说：“《造星》系要一直烧脑，今次唔使烧脑就好享受。”Oscar认同道：“《造星》辛苦啲要日日排练，亦唔再系好单纯地我要表演，但呢个就系玩。”问到与师兄ERROR合作的感受，JJ笑说：“平时系虾人嘅角色多啲，而家系俾人虾返。”当Oscar说JJ还是有欺负人时，JJ辩称：“我最多虾你啫，仲有George（欧镇灏）。”Oscar续言幸好有JJ在：“有好伙伴，件事就好玩好多！”

跟一众博爱医院的总理一起拍节目，JJ认为他们比想像中玩得，Oscar说：“我本身以为佢哋会好严肃，我头一日好拘谨，玩玩下发现佢哋都有调皮嘅DNA。”JJ直接拆穿Oscar说：“你头一日拍嘢唔止见到总理拘谨，你系成个人崩紧咗，见到摄影机系唔知自己要做咩，返去睇下就知！”他们又提醒大家观看《全民来电》节目，看看还有什么虾碌事发生。

Oscar揭露一众电竞队成员的打机实力都不太好：“大家喺台上面就好型、好架势，玩起游戏上嚟大家都……”JJ帮有口难言的Oscar接下去：“成碌木咁！”Oscar笑说：“‘成碌木’太厚道喇！我脑里面啲字系唔出得街！”Oscar又想起在《全民造星II》彩排时，是JJ导他打机；他又特意为节目勤加练习：“早两日我玩游戏拎到MVP即刻同佢（JJ）炫耀！”JJ笑说：“而我个MVP杀人数纪录系佢嘅Double！”Oscar要求称赞，又表示这样世界才会更美好；JJ在连番推搪下最终屈服！

问到二人有没有入ERROR的意向，JJ说：“要睇下大师兄佢哋收唔收货！（觉得自己的表现怎么样？）综艺就做返自己，有时自己都系傻更更，气场应该同ERROR差唔多。”Oscar就说自己还在学习中：“我由开始唔适应到知道点玩！”JJ又揭露Oscar曾因太集中游戏而忽略节目，Oscar否认说：“我而家有讲嘢㗎！”JJ再残忍大爆：“但讲完嘢就死咗；一系就挂住讲嘢，唔记得打机。”Oscar承认自己不太能一心二用。