【男排女将】邓丽欣忆Cookies开心又辛苦　Ian处男作有Kiss戏？

ViuTV电视剧《男排女将》周二（17日）举行开镜仪式，作为主演的邓丽欣（Stephy）、顾定轩（Zeno）、MIRROR成员Ian（陈卓贤）曾经都有接触过排球，所以对拍摄甚有帮助，Stephy说：“开始倾剧本时因为编剧唔系打排球，所以好多术语都唔系咁正宗，我哋都会调节返；有好多戏真系要落场打，Ian就自己打返，唔洗用替身！”Zeno亦因拍摄电视剧而特意去训练：“我会不断请教Ian，问佢啲规矩，未拍嘅时候都会揾佢磋波。”熟悉排球的Ian在剧中要身兼替身，替大家完成高难度的戏份。

Stephy自信地说已经全部认得MIRROR成员：“我梗系认得晒，无论系戏里面嘅名、真名、戏里面打嘅位置都记得。”Stephy又谈到与MIRROR拍剧，勾起了自己过去的回忆：“以前喺组合嘅时候好热闹、好多人，系开心嘅，同埋佢哋后生好有能量。”怀念过去的同时，亦为MIRROR成员感到辛苦：“咁多人开同一个时间，化妆都要轮流化！我哋系女仔，以前要早三四个钟化妆准备。”

这是Ian第一次拍剧，他坦言要向Stephy与Zeno学习：“我第一次拍剧，冇乜经验，大家都好肯帮我，都庆幸大家冇俾太多压力我。”Ian又坦诚自己在戏中有爱情线：“主要讲我暗恋一个女仔，但又追唔到佢，最后会同Zeno剧中嘅妹妹变成情侣。”至于亲密戏份Ian说：“我好似都会俾人锡面，唔系锡嘴。”Zeno与Stephy在戏中是特别的关系，但强调二人之间不是师生恋：“我好热切要揾一个人做我哋嘅教练，有种亦师亦友嘅感觉。”