【全民造星II】姜涛不介意MIRROR增加成员：大家都系为梦想付出！
MIRROR成员姜涛周三（4日）出席时尚杂志周年庆祝活动，谈到近日重投《全民造星II》竞赛，作为上届冠军的他坦言背负着很多压力：“你系冠军，所以做啲咩大家都可能唔觉你做得好好，而做得好亦都系应该，都有少少因为咁唔开心，但我都知系我要付出嘅代价。”
姜涛曾向监制花姐（黄慧君）表示希望将舞台留予《造星II》的参赛者；他亦对于未能帮助到A2组的队友而感到内疚：“吸收经验，始终自己都系一个新人，仲有好多不足嘅地方；名义上我系前辈，但佢哋亦系我学习嘅对象，希望佢哋以后可以同我做队友。”正因为一同经历了《全民造星II》的比赛，姜涛又不介意与新一季的参赛者做队友：“其实都有感情，同埋大家都系为咗梦想而付出，所以唔需要觉得抗拒同边啲人做队友。”
《01最赏睇娱乐大奖》即日起至12月24日接受投票喇，仲可以参加劲抽双重奖，随时赢旗舰手机11 Pro Max、Dyson风筒、01积分等，总值超过70万元！
《全民造星II》举行专业大奖赛，冠军由同为MIRROR成员的Anson Lo（卢瀚霆）夺得，姜涛并没有因此不高兴：“可能因为我同佢特别好朋友，佢第一季好遗憾冇参加30强，然后佢一直一直努力，今季入到十强，都好戥佢开心。”姜涛又谈到MIRROR出道一年来，他们一起经历了很多，所以更知道彼此付出了多少：“佢付出嘅嘢好值得攞第一！”
《全民造星II》将在本月15日举行总决赛，谈到接班冠军的心水人选，姜涛仅说希望大家都能取得好成绩；一直以来都说看好Phoebus（吴启洋）的他说：“但我唔想畀压力佢，佢私下都有讲咁样好大压力，所以顺其自然啦，佢攞最后一名我都好开心。”除了一贯以来的选择，姜涛又表示看好MC（张天赋）：“大家都觉得MC唱歌好好听，虽然唔系同佢同组，但佢唱歌真系好有水准，如果佢拎冠军都系实至名归。”
姜涛近日发表第三首单曲《一天多一点》，他错听成《全民造星》开第三季当堂吓一跳。他无惧网民的负评，希望大家多多提供意见：“大家如果有咩意见，喺评论区留言唔需要留情。”他又表示不会因为负评而不开心：“冇可能系冇负评，有负评代表有进步空间。”谈到未来会否有单飞的计划，姜涛说：“冇话单唔单飞，而系每个成员都会出自己嘅Solo，所以唔会用单飞呢个词嚟形容，因为单飞系完全脱离团体，而MIRROR系一个大家庭，我哋唔会离开呢个大家庭，但会各自发展自己钟意嘅嘢。”