【全民造星II】姜涛太抢fo反惹评判批评　火火︰就系呢啲无理要求

ViuTV大型选秀节目《全民造星II》来到小组对决的部分，48名的参赛者分成12组，每组都有一名MIRROR的成员加入，成为新的60强，分组赛完结后，将会淘汰10名参赛者。周三（6日）播出的一集，最令人注目的其中一个表演必定是有上届冠军姜涛加入的A2组，不过评判似乎对他们的表演意见平平，到底有超人气的MIRROR成员入组是好事还是坏事？

A2组的成员有Cotton﹑Phoebus﹑Angus﹑Hugo和姜涛，他们以白色为主的造型唱出指定歌曲《泡沫》，他们没有像其他组别一样，加入Rap和其他元素，A2组选择了以全唱歌的形式去表演。第一季的冠军姜涛加上第二季的热门Phoebus，看牌面理应有很大的胜算，但评判们就指出其他参赛者完全被姜涛的气场盖过了这一点，评判之一的Eric（梁德辉）说︰“变咗系你哋伴住佢（姜涛）嚟到演出一个项目咁样嘅感觉啰睇嘅时候。”另一个评判就指陆以心就指︰“既然你哋选择咗姜涛嘅时候，你哋要谂吓点样work together，点样去捞得埋，而家系捞唔埋，我哋评判，或者观众，就净系见到姜涛，然后就无视咗你哋4个，但其实冇理由㗎嘛，每一个参赛者都想人见到自己㗎嘛。”更狠评为︰“好似5个夹硬畀人夹咗上去𠮶啲中学毕业表演，一齐唱首歌，但系各有各唱。”

不过作为A2组的导师火火看来就不太认同评判们的看法，更显得有点“劳气”，他说︰“5个唱歌嘅人点解唔可以企喺度唱歌呢？”又说︰“系啲评判focus咗喺姜涛度。”火火接受《香港01》访问时表示不认同是姜涛主导了整个表演，“我哋呢组系特别唔sell姜涛，冇特别focus喺边个身上面，似唔似中学生表演？我觉得啲评判唔应该咁讲，我哋揾紧个星，我哋唔系选紧最佳导演，我觉得杰哋唔识搞一个表演就紧㗎啦，导演负责㗎嘛。”他觉得上年跟今年都一样，评判很容易因为表演而忽略了重点——找一个有潜质的星。

火火在节目讲到“成也风云，败也风云”一句，指的就是姜涛在A2组的情况，有他在组，注目度曝光率当然也会高，但相反可能也会因为他，人们会多了对其他组员们的无理挑剔，“例如评判咁，佢觉得其他组员要有姜涛嘅水平，唔可以畀姜涛一个人发光，点做到啫！一个系上届冠军兼已经做咗一年偶像嘅人，点解评判会要求啱啱参赛嘅人个光芒要同姜涛一样啊？如果𠮶啲人做到嘅话，姜涛都冇用啦！即系姜涛渣啦，系咪先？就系呢啲无理嘅要求啰。更惨就系次次出亲嚟都净系睇到姜涛睇唔到你啰。”

作为导师，火火原来偏向不想姜涛入他的组，“因为我会觉得𠮶个负面（效果）比较大，入咗嚟好似争取到多咗报道，但系𠮶啲注目可能都喺姜涛𠮶度。”他直言自己希望观众看到的是参赛者多过MIRROR的成员，因为他们是需要观众更多的注意而不是MIRROR。

点击下图观看更多图片！