【全民造星II】B组内斗唔公平？ 学员George︰唔会怀疑系咪专登
ViuTV大型选秀节目《全民造星II》比赛进行得如火如荼，30强终于在周一（25日）播出的一集诞生，节目播出后充满争议声，当中以B组MIRROR成员全数入围遭网民嘘爆，皆因B组要一次过从20人淘汰一半，只余10人，当中MIRROR的成员已占4个位，难怪令人觉得好像霸占了比赛的位置和机会。
上回合讲到B1﹑B2和B3组都跌入复活区要进行拉票表演，最后B1和B2是最低分的两组，令B Team要foul走10人，Miss Chan Chan（陈洁灵）在衡量过各个因素后定下B组的最强十人，而令人惊讶的，是MIRROR的4名成员——Edan（吕爵安）﹑Jer（柳应廷）﹑Anson Lo（卢瀚霆）和Ian（陈卓贤）都成功晋级，令网上嘘声四起，有人留言︰“愈睇愈火滚，个节目叫全民再造星啦，全部选晒MIRROR未（咪）得，都唔知做乜，下届又揾番佢地（哋）未得，其他参赛者都系陪读。”和“制（制）作组到呢刻唔觉得系问题，咁先至系问题。”等等，丧插节目安排。
点击下图睇吓更多网民嘅留言︰
无疑节目的确会为MIRROR成员带来几多曝光机会，可是有时第二季的参赛者就会被他们抢去风头，更会被舞台经验较丰富的MIRROR成员抢去晋级位置，B组成员MC（张天赋）回应《香港01》记者时表示︰“其实我认为大家都有目共睹Anson Lo﹑Edan﹑Ian同埋Jer，佢哋的而且确有佢哋嘅实力，而且佢哋作为领军人马嘅话，B组系需要咁嘅人。”他又解释到时如果MIRROR有人入十强，到时将会退出比赛，获颁专业大奖，“而且喺十强入专业大奖嘅比赛𠮶轮，系需要咁多组去分5轮嘅比赛，每一轮嘅比赛系需要赢咗，先可以争取𠮶两个席位，咁所以Miss Chan Chan嘅战略系佢希望可以有MIRROR嘅成员带领住B组攞到更多嘅席位之后，B组就可以有更多嘅人入到去，到MIRROR走嘅时候呢，即使入唔到去十强嘅人都好，都可以靠呢一个位争取返入去。”原来导师有这样的想法。
【全民造星II】Jerry继文赢小组赛都要被out 网民不值︰好唔公平
点击下图睇吓B组十强︰
另一个问题，是关于3轮的小组赛，非常巧合地A﹑B﹑C组要各走10人，令网民质疑因为公平性，是否有点故意去制造这个局面，对上的这个回合，更出现B3对B4的内斗局面，而是之前没有出现过的，难免会令人联想想平衡各组的人数而这样做，有网民说︰“要两队B组对决都唔公平既（嘅）”和“根本就想balance三组入30强既（嘅）人数”等。
B组另一名成员George（欧镇灏）回应说︰“我又唔会话刻意嘅，因为其实我哋每一轮真系抽签咁嘅形式去对决嘅，咁真系唔好彩第三轮抽嘅时候竟然抽同组，即系我哋又唔会怀疑话系咪专登想foul 10个，咁我哋都系keep住all in嘅心态去做好每一round！”MC说︰“当然我觉得其实B组系suppose应该要排晒同咁多组打，最后真系唔可以平均分到组，先至内斗嘅，我觉得系应该咁嘅，但系佢又真系一开始冇讲到明，随机抽系一定系B组打其他队㗎㖞，咁所以你冇得喺呢个位咁拗啰。”而复活赛也是每组都有这样的机会，所以他觉得现在的处理没有不公平。
点击下图睇吓更多靓相︰