【潮流日常】汤洛雯自认是懒人极品 但依然坚持呢几项修线条运动
撰文： 洪晓璇
出版：更新：
常言道减肥真系女人嘅终生事业，汤洛雯体质易肥易瘦身型多变，应该特别深感受。靓汤用两个半月减去十磅，除咗独门饱肚减肥法，佢都坦言：“我呢啲懒人之中嘅极品，都发觉做运动系必须的﹗”
靓汤IG经常都有更新，但一直睇到2014年帖文，都无见过佢分享做运动嘅相片或影片，学佢自己所讲：“明白对女人来讲做运动真系非常之痛苦，特别系我呢啲懒人之中嘅极品，但系经过今次减肥历程，我发觉做运动系必须的！你可以调节做运动嘅方法或者时间，譬如话我只系做45分钟嘅太空漫步或者单车机，因为跑步对我嚟讲太伤我膝头。”
细个嘅时候减肥睇磅数，但真系研究减肥就会知线条先系最紧要，因为肌肉系重过脂肪，但做运动增加肌肉线条靓咗，睇落会更瘦：“除咗带氧运动之外，我亦都会做一啲短嘅肌肉锻炼，例如做50下SIT-UP同几种唔同嘅平板支撑嚟锻炼返身材线条。因为其实都要针对返自己身材嘅问题，例如我想自己对大腿实啲或者PAT PAT可以跷啲。”
+9