与陈百祥舌战后受访　杜汶泽劲火滚斥对方冇逻辑：嘥X气！

对社会议题抱截然不同意见的艺人杜汶泽与陈百祥（阿叻），今日（5日）在港台直播节目《视点31》讨论近月对各社会议题的看法。在节目结束后，二人接受传媒访问，杜汶泽谈到是次答应出席对谈是因为记者利君雅，可惜今天无缘与她见面；杜汶泽直言没看过陈百祥之前的访问：“人同人嗌交都要有基本嘢先可以拗，而佢最可怕嘅地方系唔记得自己讲过乜，完全冇逻辑可言。（会觉得他无赖？）无赖就固之然，所以我而家明白点解佢一路都系咁。冇办法，佢咁嘅年纪有咩责任教识佢？”杜汶泽自言很是激气，而说到用一个形容词形容阿叻，他就答：“嘥X气！”又说要打边炉下火。

陈百祥甫出场就说听到杜汶泽的想法：“但我唔Buy佢嘅谂法。”他又坚称自己看到10月1日警察的生命受到威胁才决定开鎗：“我冇分蓝黄，我系讲自己点谂，我由头到尾都话和平示威，或者唔满意政府嘅可以游行，说服到我的话我都去嘅！问题系我唔钟意暴力，两边嘅暴力都唔好，如果警察用过分暴力都唔好，但我睇唔到警察用过分暴力！”

谈到有大学生在停车场疑为躲避催泪弹意外堕下，陈百祥说：“呢个系一个悲剧，我系会可怜呢个学生为理想付出生命，我上嚟就系希望佢哋听到我讲嘢，唔好白白牺牲。佢哋追求紧嘅嘢百分之九十系追求唔到，点会有人犯咗事系冇事？我最痛心佢哋咁样谂！”他声称自己五分钟前才看到这段两天前的新闻。他又自言经常在演讲时面对年轻一代：“但我而家真系唔了解佢哋嘅谂法，因为我冇细路、唔识教育，我唔系出嚟做英雄，我只系想香港安居乐业。我出嚟明系做箭把俾人闹，但我牺牲少少有乜所谓？”

陈百祥又自言自己一直都听到与自己相反立场的声音：“我觉得𠮶啲声音系错！我睇到画面、新闻啲教授点样教佢哋（年轻人）出嚟牺牲。”谈到不少街坊被警察武力（如催泪弹）波及，他说：“杜汶泽话而家香港系内乱，你仲出去睇热闹做咩？”他又表示支持独立调查委员会：“不过要件事完咗！”记者指有行家被铁链锁着拘捕，他就说：“我唔评论个别事件！唔关我事！𠮶啲画面我睇唔到！（选择性接收资讯？）我唔系拣，我唔会24小时望住新闻啩？”及后阿叻在记者一片追问声下离去。