汤怡与洪卓立分手一周年　忽然做妈妈公开4个月大肚相？

汤怡和洪卓立去年11月宣布分手，结束11年情，各自感情生活成迷。汤怡昨晚（1号）在IG竟然贴上“大肚相”，目测有4个月咁大，仲留言话：“好多人大肚都会影写真，我都唔例外”，究竟边个系经手人？

相中的汤怡身穿黑衫黑裤，掀起上衣露出腹部，十足十平时准妈妈影𠮶种大肚相，孕味好浓，争啲想留言恭喜佢，点知原来唔系真有咗BB，只系吃得太多所致。汤怡说：“呢个肚系九月底喺巴黎时装周养大嘅，短短几日食到四个月咁大。”汤怡仲话之前喺香港试嘅衫，去到巴黎连拉链都拉唔埋，睇嚟真系食得好开心。

汤怡平时做开运动又瘦到营养不良咁，今次搞到个肚咁大，真系要好好减返个肚腩仔喇！作为女明星，掀起个肚皮扮大肚婆，贴上自己的丑态真系好贴地好有Guts，获得粉丝大赞“So brave！”