男友鼓励网上多派“福利”　冯盈盈：我贴性感相系意义

冯盈盈（Crystal）周二（1日）出席myTV SUPER 18台开台满月庆祝仪式，谈到最近三个月开始与稳定交往的男朋友“宝宝”同居，生活上有不少习惯也正在磨合中：“例如作息时间，宝宝返朝九晚六，但我哋Artist就唔定时，所以我都培养咗夜瞓嘅习惯，所以要互相体谅。”家务上二人亦有分工：“我哋Set左啲Rules逢星期几系边个负责，但现实系全部都系佢做。”有见及此，盈盈就说要煮饭多谢男友：“例如煮餐饭佢食，煮啲佢钟意食嘅嘢，虽然都系佢洗碗。”

既然二人选择了同居，问到是否好事将近，冯盈盈便否认：“短期内都唔会结婚，大家都好肯定有共识，同居时间尚短，我哋仲需要啲时间去磨合。财政方面都好紧要，我哋希望努力工作，储多啲钱先结婚。”冯盈盈笑说自己对结婚有很多Fantasy，想拍七辑婚纱相加微电影：“希望取景最少去七个地方：巴黎、意大利、马尔代夫、希腊、北极光都要拍齐，制作好庞大，所以要筹备多啲资源先做到。”

问在社交媒体贴性感照片是否需要事先得到男朋友同意？冯盈盈就说男朋友每次都是在IG看到才得知，而男友的反应都是：“哗！张相几好睇㖞，你几时影㗎？”又对冯盈盈的身材表示赞赏；冯盈盈又自夸：“系有线可以睇！腹肌嘅线条，有少少成绩畀大家见到。”此举亦激励了男友多去健身：“（男友）身材好咗、多咗胸肌、手臂粗壮咗、仲有啲人鱼线！大家做完Gym返屋企，就会对住全身镜摆Pose检视健身嘅成果，系几好嘅互相鼓励方法。”

冯盈盈谈到男朋友有时反而会鼓励她贴性感泳衣的照片，男友说：“你近排都冇乜派福利同军粮，会唔会考虑出返啲福利图？”冯盈盈则为自己辩护：“我Po相唔系为咗呃Like或者取悦人哋，系真系有意义！”同时她又对男朋友不会监管她的态度表示欣赏。