【后生仔倾吓偈】冯盈盈爆六号擦鞋手法高明：真系要向佢学嘢
撰文： 邝钰莹
出版：更新：
最新一集《后生仔倾吓偈》以擦鞋为题，讲到擦鞋，众人都认为六号系“擦鞋王”之首，冯盈盈更踢爆早前阿姐汪明荃之前作客《后》时，由于阿姐乃守时之人，所以大家都提早15分钟入厂准备。“点知原来都系唔够，六号佢开厂前专登去揾阿姐打招呼，鞠埋躬几殷勤，仲护送佢入厂，我一直以为自己做得够，原来未够，真系要向佢学嘢。”六号话自己之所以开厂前去揾阿姐，其实系应高层要求去同阿姐briefing，再加上佢本身都认为阿姐系尊敬嘅对象，所以先会有以上举动，佢仲话当时有叫埋冯盈盈同麦明诗一齐，有鞋齐齐擦，连麦明诗都大赞六号呢种美德。“佢擦鞋唔系争系益自己，佢都会关心平辈，呢啲唔系叫擦鞋系叫世界仔。”
一众后生仔之后讨论“成功之道一定要靠擦鞋”时，麦明诗认为单系擦鞋是不够的，并谓“要无实力加擦鞋，咁就系完美组合。虽然果啲系公司最废嘅人，但最升到(职)，尤其喺香港最庞大嘅体制入面。”唔知麦明诗所讲嘅庞大体制又包唔包括TVB呢?!身为大台花旦之一嘅佢，被问到有无遇过擦鞋仔，麦明诗话：“我份人出名唔钟意讲嘢，同埋有时都几内向……”点知即被六号一句“你钟意仔嘛……”KO。
除咗六号之外,后生仔之中仲有一位世界级擦鞋仔
+1