【多图】被网民质疑整容　程美段Kiwi：下次素颜畀大家睇

程美段（Kiwi）自出道以来一直是城中的话题女王， 近日她因一张IG照片，就被网民怀疑整容。今日（26/9）她出席一间店舖的开幕时接受《香港01》访问，就否认了有关整容的传闻，她说：“靓咗就OK㗎啦，不过整嘅话应该要修复期，要休息一排，但系我都冇休息过，整嘅话都冇钱。下次素颜畀大家睇下，睇下有冇唔同啰。”几时可以睇到？“拍条全过程变身畀大家睇啰，不过要问帮我揸机拍片𠮶啲人几时得闲，哈哈。”

传送门：暑假后变明日花网民质疑“大修葺”　程美段kiwi：整咗嘅话我切！

不止是言论以及身材出位，原来她也十分有生意头脑。言谈之间，她表示自己近期也投资了朋友的网上汤包商店的生意，11月头就会正式出市。她说：“因为之前都系拍饮食节目多，自己又钟意食嘢，所以朋友就揾咗我。”投资了多少？“5位数就实有啦，但系就未到6位数，不过就要睇发展点样，视乎大家个反应（再决定投资几多）。”

出钱之外，她也表示自己有份提供汤水的菜单意见，她说：“她多嘢要考虑，尤其是成本，味道又要试。我自己就有提议牛油果汤，因为近年都流行要食得健康，或者南瓜、青豆汤。”幕前工作赚钱，所以投身商界？她笑说：“OK嘅，所以就投资啲小生意，迟啲仲会同朋友夹份开网上超市。”

程美段（Kiwi）侧面睇真啲：