暑假后变明日花网民质疑“大修葺”　程美段kiwi：整咗嘅话我切！

程美段（Kiwi）自参与拍摄无线节目《美女厨房》后，就凭著其充满曲线的身材而受到网民注目，其后被TVB“炒鱿”后就受邀到网台担任饮食节目的主持，却爆出“追粮事件”。之不过，一波几折亦令她从一个无知名度的艺人，一跃而起成为全城热话。日前Kiwi在IG上分享了一辑全新的造型硬照，更有网民形容“变咗样”，又表示“唔认得”。单看照片真的与Angelababy有几分相似，难道旅行之后的她突然“变靓咗”？

她接受《香港01》访问时回应，其实只是妆容不同而并非秘密整容。她说：“只系唔同造型啫，其实我不嬲都系形象百变嫁啦，次次转造型，发型同妆容唔同都会有人话我唔同咗样。有时一个Look耐咗自己都觉得闷，咪转下造型，但系又唔剪得头发，咁咪戴下假发啰，其实我屋企有好多顶假发。个妆就只系多咗眼影，大槪用咗15分钟，我之前好少搽眼影，但系一搽就即刻好唔同样。”

【程美段专访】向杜汶泽挑机追数走红　敢言因有经历：我乜都做过

程美段Kiwi投诉“老板”冇出粮　杜汶泽fb澄清：你冇我电话咩？

她还兴奋的说：“上次搽咗眼影之后，连经理人都赞个妆靓，问我系揾边个化妆师！同埋我见到IG有人问我系咪冇着裤，其实我系着咗𠮶啲高衩泳衣，个裤裆位开高衩，咪会脚长啲，身形睇落好啲又显瘦。其实都系角度问题，影出嚟好似冇着咁。”她也表示，留意到有人质疑她整容，更笑说要向该位网民“挑机”：“哈哈，其实我想覆𠮶个留言：‘你觉得我边忽整咗呢？你讲我知边Part整咗？整咗嘅话我切吖。’根本啲五官都冇唔同！”

她亦解释说，因为去旅行晒黑了，所以形象又更加不同：“其实我平时白白哋个造型，大家都唔会知我系混菲律宾，但系我晒黑咗同埋戴黑色假发之后，加埋𠮶个妆真系有少少似宾妹。讲真吖，我边有咁多钱整容㖞，仲要整到Angelababy咁。”

比较返Kiwi的旧照，其实又唔系好大出入...