传李佳芯拖累冇得拍《BB来了2》　黎诺懿：冇咗任何一个都唔成事

黎诺懿今天（12日）晚上出席《香港唱好演唱会》，诺懿现场会与陈山聪唱出《友共情》，诺懿笑言：“咁大家都知道我歌手嚟，唔系一个秘密。跳舞同唱歌系我强项，依家嚟到唱歌事业，我歌影视都发展。”

由诺懿与李佳芯（Ali）主演的剧集《BB来了》原本打算开续集，更是会原班人马拍摄。不过因近几个月Ali对政治的表态，受到不少批评，导致这次两大主角需要换人拍摄，诺懿回应：“我觉得人要向前行，结果真系发生呢件事，咪当留一个美好回忆，始终第一辑好成功，我一定会同Ali再合作。（咁公司讲咗你听未？）讲咗未呀？咁我同Ali应该就系唔拍住，因为各有各忙，等迟啲睇公司宣布。”

有说法是Ali拖累了诺懿令诺懿要遭受换角，诺懿表示千万不要这样说：“冇话拖唔拖累，如果真系要开续集，冇咗任何一个人都唔成事。我第一次做《BB来了》访问时候已经讲要拍续集一定要原班人马。如果唔系原班人马不如开个新故事啦。”