罗冠兰入行逾30年演技超班　曾因拍剧主动教戏惹不快：唔讲边个喇

资深演员罗冠兰今天（5日）出席TVB举办的《9月星辰》活动，本月生日的她并没什么生日愿望，因为她差一点都记不起这个大日子：“如果今次唔系公司寄呢个生日派对邀请卡畀我，我都唔记得自己生日。咁我都冇乜谂有咩意义嘅谂法想去做，而家呢啲咁嘅时候我希望宁静（日子）快啲返嚟。”

曾因“教戏”收负评　少出句声反令人误会唔肯教

冠兰姐入行至今已经超过30年，一直以来，她的演出主要在剧场界，舞台剧作品超过一百部，相比之下，拍戏拍剧的数量不算很多，此外，教育也是她的主要工作，以往她曾任香港演艺学院副教授和无线艺员训练班导师多年，桃李满门，而在舞台剧界更是广受欢迎，尊敬有加，人人都称呼她为“Miss Lo”，不过原来冠兰姐曾因为“教戏”而收负评：“我遇过一啲学生佢哋好长情同念旧，但我都遇过好多唔记得我系边个。咁呢个位我想澄清，我基本上拍戏落厂，有后生演员的话，我系好少出声教，结果旁观者见到会话我唔肯教人，其实唔系，我试过有几次主动去教，有个仲系我以前学生，主动同佢讲佢嘅问题，但佢哋唔太高兴，系边个就唔好讲。咁我会觉得真系想演成点自己会嚟问，而我主动畀意见未必𠮶个钟意，所以我保留咗。”

暗讽有人唔识货？　Miss Lo：我唔系啲乜哥乜姐！

冠兰姐发觉主动教人做戏会有人令人反感之余，她更说有一个问题一直存在：“其实佢哋（演员）系睇人嘅，如果你系一啲好出名嘅演员，佢哋就会好开心话你听乜哥乜姐教佢好多，咁我唔系出名嘅人，我系一个老师，我教佢佢可能唔认为值得讲。我直头觉得如果你要请教，大把阿哥阿姐俾佢请教啦，我何必自己去提出意见去教令人唔钟意呢？所以会形成人哋话我点解唔肯教人呢？我话唔系，大家一齐研究我好乐意，但如果话好似以前咁傻主动去教呢？我谂年代唔同咗了。”冠兰姐无论在舞台剧和电影界都曾经荣获奖，包括《香港舞台剧奖》“剧后”，以及《香港电影金像奖》最佳女配角，连国外多个影展也有不错成绩，不知道那些“厌弃”冠兰姐教做戏的演员会否后悔呢？