方力申极限挑战12小时45公里环岛游　保护“胳肋底”先系最大难题

方力申除了是歌手、演员之外，更加是一名退役香港游泳代表队队员，此外，近年他也与拍档开办游泳学校，致力培育下一代。不说不知，原来他已为慈善机构“点滴是生命”连续担任了多年宣传大使。近日他亦宣布为这个机构筹款，目标是450万，帮助45万以上居民获得干净食水。他接受《香港01》访问时说：“嚟紧11月5号我要做一个游水挑战，要围住香港岛游一个圈，中间唔可以上水休息，无论系食嘢饮嘢都要踩住水，同埋唔可以着潜水衣或者胶衣令自己浮。”路程足足有45里长，差不多需时12小时才能完成，十分居挑战性和意义。

筹款有甚么风险？他说：“游唔完啦，可能会抽筋，体力不继，啲浪太大，或者打风。”需时12小时，三餐如何解决？“未谂吖，总之食啲畀到体能嘅嘢，又唔可以净系食补充剂，又唔可以难消化。唔通食鸡脾咩，应该唔得㗎啦。”有入就必有出，那么大小便就怎样处理呢，直接在海中解决？方力申笑言：“尿就会系啰，大就忍住啰，12个钟就未必需要嘅。可能之前食多啲菜先，𠮶个月或者𠮶个礼拜清清佢先啰。”

他坦言，虽然这次挑战充满著难题，时间紧迫又需要训练，还要“碌人情卡”筹款，不过最大的难题反而在他的“胳肋底”保养。他说：“我今次系上身唔着，其实最容易磨擦到嘅系胳肋底位置，游自由式挂手𠮶啲位置就会容易刮损，但系喺水入面搽咩都好快甩㗎，所以可能要Keep住搽。有啲人提议我搽车房𠮶啲，搽机械、引擎、零件𠮶啲油系反而会Long Last啲。”会选择用哪一款？“未吖，你睇我晒到咁都知我唔用防晒。我会有军师，到时佢哋畀咩，我就搽㗎啦，怕咩。”会不会有鲨鱼？“可能会有鲨鱼㗎！所以大家真系要捐款啦，咁危险嘅嘢，攞条命去搏㗎㖞。”