方力申自由身两年突然加盟邵氏兄弟：听到人话我退咗休
撰文： 赖家杰
出版：更新：
方力申今天（20日）出席“邵氏兄弟影视项目发布会”，小方今天也有一件开心事情宣布：“我早几日签咗邵氏，所以今日就有机会嚟呢到同大家见面，咁签邵氏原因系因为过去两年签都系自己发展，但系我太多范畴，有时候做艺术，上年又举办游水学校，合作开当然知道点揾我，未合作过好多时都唔知点揾我，有时会听到人话我唔做呢行，退休啦，但其实唔系，演艺事业都系我热诚同唯一事业。”
小方又表示今次加盟邵氏，原来又关王祖蓝事：“其实上年拍祖蓝嘅一套电影时，多咗同乐小姐（乐易玲）有联络，亦都多谢佢信任，同埋大家都好投缘，好快作出呢个决定，所以系香港多咗一个屋企。”
乐小姐视小方为“金蛋”，小方直言也很希望为公司赚钱：“其实自己都做咗呢行好多年，要有好嘅作品，同埋今日嚟到呢到俾我有好深感受，其实做演员一啲都唔难，高矮肥瘦都可以，但系要做一个有人认同嘅演员要经理人提携，要用好大努力、操守同勤力先做到，希望同业都揾到欣赏你嘅观众。”
艺人签约也会附带很多条件，邵氏会否要求小方一年要拍摄多部电影，小方回应没有：“我自己系爽快嘅人，同埋好多事要讲信任，冇话要咩条件，信任好紧要，任何事有能力同努力一定有人俾机会，冇呢个实力去求人俾机会都唔会成功，要人俾机会倒不如自己努力，所以做到平起平坐。”