【小Q】任达华曾NG达48次破纪录　赞狗狗演技好：影后应该系佢！

任达华、杨采妮日前接受香港开电视《娱乐头条 E-news Headline》主播马梓轩（William）专访，分享与狗狗一同拍摄电影《小Q》点滴。戏中华哥因失明而封闭自己，他表示角色性格与现实刚好相反：“我不嬲都好正能量，跌低咗会问自己点解会咁，然后自行解决困难！当然有时同朋友倾计都好紧要，只要有爱，世上所有嘢都能够解决！”

拍戏迁就狗狗　任达华NG达48次破纪录

华哥与导盲犬布丁因拍戏而建立了深厚感情，但同时令他创下48次NG纪录，华哥笑言：“破咗人生纪录！因为永远系我哋同机器迁就狗狗，佢地唔知道镜头喺边，点样走位！不过佢始终系一只动物，出年金像奖，我觉得影后应该系佢！”此时Charlie也异口同声，表示会提名狗狗角逐明年金像影后。

Charlie除了享受幕前演出，亦曾担任导演。被问到假如将来再执导演筒拍戏，并由华哥主演，Charlie会拍什么题材呢？她表示：“有时听到大家问华哥仲想演咩角色，我心谂佢真系演过太多角色，但我成日觉得华哥系可以喺野外生活嘅人，系一个Survivor！例如拍佢突然去到荒岛，然后用各种方法挣扎求存，相信呢类题材由华哥演嘅话，应该会几好睇！”

Charlie又称希望能多接拍电影，但现时仍要花多点时间照顾一对小孖宝，而被问到老公、两个儿子以及两只爱犬在她心中的排位，Charlie表示：“唔好逼我排啦！佢哋喺我心目中系同一线，因为佢地都系家人，缺一不可！”