张敬轩扮“火龙果”被称“脚毛女神”：早啲做代言人就唔会搞成咁

张敬轩打破女艺人拍摄女性脱毛广告定律，担任新一任代言人，并与龚慈恩囡囡林恺铃合作为品牌拍摄微电影《看得见的完美》。为女性脱毛品牌代言，轩仔认为个中原因是：“可能我平时审美眼光俾人感觉够挑剔，所以‘完美’两个字应该同我好近，想启发唔同嘅女仔知道‘完美’应该系点，我谂我系个几唔错嘅仪容顾问。 ”

于去年举行《HinSIDEOUT》演唱会的轩仔，因为要扮“降2度”著热裤劲歌热舞，每日开show 前都要悉心处理一对“飞毛腿”，但早前轩仔化身新人“火龙果”，恶搞容祖儿的《Pretty Crazy》变成《Pretty Hungry》，一双毛腿加“打格海胆”成为焦点，更被冠以“脚毛女神”，轩仔笑言：“如果早啲识做代言人就唔会搞成咁啦，不过我觉得仪容整洁系好重要，尤其女仔，如果处理得唔好，就会俾人有唔整洁嘅感觉。”

在微电影中，轩仔扮演著名形象设计顾问，与刚毕业同样是设计师的妹妹林恺铃，因大家都是“完美”主义者而令工作经常产生磨擦。轩仔坦言，因为要饰演事事严谨的哥哥，故戏内大部份时间都要黑口黑面兼毒舌，现场拍摄时心情更要保持沉默：“无论做咩角色，都需要好多energy，尤其呢类歇斯底里角色。其实我同戏里面最相似嘅地方，系对每件事都好有我嘅坚持同执著，同对我嘅音乐一样，会看重每个细节都想完美。人成熟咗，反而学识抽身用多个角度去睇每件事。”

虽然轩仔无论戏内戏外都要黑口黑面，但在NG片段中，见到他忘记对白，总忍不住放声大笑，缓和现场的沉重气氛，也难怪被“哥哥”不停闹的林恺铃，坦言被轩仔闹得好开心：“自己都好钟意音乐，一直有留意轩仔嘅作品，可以同佢合作真系好开心，当然希望将来有机会唱到佢嘅作品啦！”林恺铃称收到微电影剧本后，有问妈咪龚慈恩意见，她说：“我都有同妈咪分享今次嘅工作，问佢攞啲意见，但妈咪俾我好大自由度，会好放手俾我用自己嘅方法去演绎。其实我觉得自己同角色性格有啲似，都有硬颈嘅一面，但正如微电影里面嘅故事，无论两兄妹点闹交，彼此都系咁爱大家，系一份好可贵嘅感情。”