【十二传说】拍摄期间有同事跌落坟墓　林子善：之后冇做啦

林子善今天（14日）出席TVB电视剧《十二传说》的宣传，这次宣传采用了特别的方式，让剧中每一个演员出来说鬼故。这令到子善有毛管戙的应觉：“啱啱只系听啲声都惊，今次剧集有啲位，譬如剪接同配乐都做得好好。”

剧集虽然拍摄顺利，但子善透露曾有恐怖事情发生：“我哋拍拍下有个同事跌咗落坟墓，导演明明叫佢唔好行过去，之后冇做啦𠮶位同事，你问好多同事都知。（佢发乜事？）我都唔知，但我哋都知𠮶个系真嘅坟墓。当时去到好远拍摄，导演知道个边啲坟墓唔可以行埋去，但化妆师唔知，之后就跌咗落去，我同同事倾返都觉得呢件事好奇怪。”

说回一些开心事情，早前子善社交网络上公布成为爸爸，他直言很感谢老婆：“佢依家大住个肚好辛苦，成日又呕又抖唔到气。每个怀孕女人状况都唔同，佢又成日瞓唔到。佢系公司话有同事只脚臭少少就想呕，话有个同事只脚好臭，我就同佢讲你叫佢换只袜啰！好搞笑佢啲同事。”

子善也公布太太怀下的是女婴，对于婴儿是男是女，他夫妇二人也喜欢，不过子善坦言这次婴儿性别是女生会比较好，他说：“其实生女我太太可以同佢扮靓，而我就好锡女仔，我由细到大爸爸灌输我要锡女仔。点解女性会弱过男性呢？因为男性天生要保护女性，唔可以虾女仔，所以我好细个已经有呢个思想。”