【早霸王】深圳男听众收女神圣旨表白　点知港女话自己恋爱中……

今个星期《早霸王》嘅“你知道唔知道有人挂住你”环节，有位来自深圳嘅男听众亚柏，打去节目全因想同心仪对白表白。亚柏透露因工作关系，所以认识心仪对象，相处过后，深深被对方所吸引，于是决定展开追求。“早两日同佢睇戏，佢话自己生日就快到，话如果我俾到惊喜，就愿意做我女朋友。”虽然亚柏住喺深圳，而女神住喺香港，但佢就一啲都唔担心会有距离，并表示对表白十分有信心。
 

既然有信心，森美都唔多问，直接就帮佢打比心仪对象Chrissie，并且好直接咁话“今日有个男人打嚟想向你示爱，不过都先问你一句，你有无拍拖呀？”其实呢个问题，森美每次都会问，目的都系唔想“错配姻缘”，如果对方话无，咁就当然无问题，兼即时接通双方电话，但如果话有的话，咁就可以收线。喺听到Chrissie话有拍拖之后，森美同Marco即时静咗，然后带有少少犹豫咁问“有嘅意思系？”听到Chrissie话“有拍拖啰”之后，森美似乎已经唔系好识反应，但又唔死心，仲问Chrissie“𠮶个男仔系点架”，正当Chrissie谂紧点答之际，森美突然问咗句“个男仔系未好深圳下㗎？”听到Chrissie表示“系挂”之后，森美都忍唔住话：“吓死我呀”。就系咁，亚柏终于可以同Chrissie表白，之不过，点解一个会话自己拍紧拖，而另一个又话呢段关系仍在确认中，睇嚟系中港文化差异。