【专访】廖子妤由马拉来港发展　比港人更熟悉香港：心安就系家！

廖子妤（Fish）是来自马来西亚的香港演员，2012年，她22岁决定只身来港发展，时间回拨至一年前的夏天，这是她第一次来香港，她还记得，那次短暂地过来5天，寓工作于旅游，回去马来西亚后却对这片弹丸之地念念不忘，激发她再次寻找来港工作的机会。她在IG记得当时的心情：“翌年7月1日，我穿著不合天气的棒球外套，拖著绿色的行李抱著一只大的粉红色兔子娃娃来到了铜锣湾；人头涌涌、眼前的景象很是震撼。闷热、潮湿、涌动，像是用湿毛巾被摀住口鼻地度过了我在香港的第一个夏天。”屈指一算，今年已经是第八个年头，她已经成为了真真正正的香港人。
发型：Zap Tang@Essensuals.hk
服装：initial fashion
摄影：叶志明
短片：吴志豪、陈锦超
剪接：陈诗敏
场地提供：The Stadium

永远保持安全距离　现在仍不惯搭台

廖子妤指，刚来香港时有很多的不习惯，她抛出一个四字词，叫“安全距离”，“（意思）即系每个人之间应该有一个距离，如果一侵犯呢一个距离，佢就会感觉不安，我开头真系好唔习惯。即系搭升降机、搭港铁，大家都黐得好埋！搭台其实我系到而家都唔惯，我第一次喺香港搭台，对面有个唔识得嘅人，我膝头哥掂到佢膝头哥，我就即刻坐直个人，唔想掂到佢。”不惯还不惯，她始终觉得“近距离接触”是香港其中一个特别之处：“我觉得香港人系好特别，安全距离好近，因为俾呢个城市迫出嚟，香港太逼，所以每个人都迫不得已要缩短安全距离，但系个心好远，即系生理上可以好靠近，但心理系好排斥。”

双重身份　直认介意被排斥

廖子妤在香港生活多年，连朋友们都渐渐忘记了她是马来西亚人，但每当有一些重要事情发生时，很多人就会突然想起，马来西亚才是她的家乡，比如政治环境。“去到某啲议题嘅时候就会忽然唤醒佢哋：‘咦你唔系香港人㖞。’佢哋又会话：‘你都唔怕啦，你又可以返去。’其实呢句说话对我有啲Hurt！我点返去？我由22岁嚟香港，事业基础都喺到，呢7、8年我一直都喺到，只系间中返去休息。我嘅朋友、谈恋爱、养咗只猫，我其实所有嘢都喺香港。”所以她才会介意被排除在外，是一种身份认同上的排外，无色无臭，但直入心坎，“当然好多人讲呢啲说话系冇心，但就我嘅立场而言，我觉得我冇退路。马来西亚同香港对我嚟讲一样重要，一个系我出世成长嘅地方、一个系我建立、拥有所有嘢嘅地方，两个地方对我嚟讲都系家。”言者无心，听者有意，面对身边数偏偏之不尽的无心快语，就变成她其中一个心魔。

家就是心之所在

然而即使有了身份证，是否代表“家”香港？或者对她而言，何谓“家”？“我觉得‘家’系令我心安嘅地方，比如我喺外地拍戏就会好挂住谭仔、好想拮鱼蛋、食牛柏叶、食鱼皮饺，想食香港嘅嘢；或者好想见我香港嘅朋友、我只猫。只猫其实几大程度上提升咗我对香港嘅归属感，因为返到屋企有只猫等我，我有自己租屋、将佢布置到我自己钟意嘅感觉，心安就系家。”

廖子妤虽然人在香港，但仍十分关心马来西亚的时事。2018年马来西亚大选，实现了61年来的首次政党轮替。Fish虽然在港工作忙碌，但仍特意飞回马来西亚投票尽公民责任，她说：“有票唔系唔投啊嘛？虽然佢改变嘅嘢唔系咁多，唔系一朝一夕。虽然上年成功改朝换代，但其实佢内部机制一时三刻佢冇办法大幅度改变，系要啲时间。因为有啲嘢积累得太深，但起码我觉得系几好嘅开始。”

初来乍到没有钱　为$30而肉痛

说到对香港和马来西亚的感情，廖子妤坦然说这一刻香港比较多一点，紧接著立刻想起怕马来西亚的亲戚看到会不开心，她解释说：“我一年有90％时间都喺香港，有时啲街、路、地方，我觉得我仲熟过香港人。因为我搬过好多次屋，住过好多地方，我就会知道某啲区边到有好嘢食或者条路点行，我觉得有时会熟过香港人。”

比香港人还香港人？所以钱对她而言，绝对是个大难题，尤其是当年廖子妤初来乍到，甚是拮据，一两蚊都要算到尽：“我啱啱嚟香港𠮶阵好穷，但又想有朋友，公司嘅Model会带我出去玩，𠮶阵我住铜锣湾，佢哋约我去中环，但过咗尾班车我就冇港铁返去；饮嘢系佢哋请，但的士钱都要自己畀㗎！我好记得𠮶程车系30元，我好肉痛，因为30蚊我可以食两餐。”

现在买报纸都要$10一份了，物价上涨速度之快，她感受最深：“我系见住吉野家下午茶餐野菜牛肉饭越来越贵，麦乐鸡餐嘅价钱变动，连的士起表价都由18变24，令我觉得香港通货膨涨嘅速度几紧迫！我而家赚到多啲钱想住好啲，但租金上涨嘅速度系最快，租金同薪金系一齐成长，所以永远租唔到想租嘅哋方，因为追唔到。”所以活在香港，或者身为演员，总是处于爱与痛的边缘，愈爱就愈痛。