【全民造星II】99号陈卓文认抄姜涛“撞衫撞样”：上年佢爆咗出嚟

ViuTV选秀节目《全民造星II》的96名参赛者于今日（23日）首次总动员会晤传媒及录影节目。早前就有指99号的胡卓文与上届同是99号、总冠军姜涛撞样兼撞衫，样子是否相似就见人见智，至于服饰，今日陈卓文就自认抄到足：“系大会叫我哋自己准备黑白色嘅衫，咁上年呢啲相咁精彩，而姜涛又爆咗出嚟 ，咁我就以玩吓嘅心态，去买咗一套同佢几乎一模一样嘅衫。”

原来仲有“翻版Edan”

因为《全民造星》而组成的男子组合MIRROR今日接受传媒访问时亦认同姜涛与肥文“非常相似”，但原来撞样的不止一人，Edan谓：“我好留意一个，因为佢哋话好似我，直头经理人宝姐都话佢系型版嘅我，花姐仲话佢样样嘢都好过我，叫我执定包袱，所以我特别留意呢个人！（执咗未？）我帮佢执包袱谂住，讲笑啫。”到底边个系“翻版Edan”呢？花姐话，原来是28号参赛者“MC”张天赋。