【港姐2019】重温过去3届首轮面试高质佳丽 冯盈盈靠3招赢在起点
下星期一（24日）就是一年一度香港小姐初竞选首轮面试的日子，《香港01》记者为大家搜集了2016至2018年大热门港姐初选时的装扮，让大家重温她们当年又Pure又True的模样；记者更找来冠军级师姐冯盈盈为参赛者教路，将三大贴士大放送。
【港姐2019】一文睇晒143位参赛者 大热KOL蔡嘉欣率先跑出！
【港姐2019】首轮面试参赛者IG大起底 10个必睇靓女真面目大公开
冯盈盈忆起三年前参加香港小姐的原因：“其实当初报名参选系为咗毕业之后、返工之前可以做一啲嘢扬名立万、全香港都知道嘅。”当记者问到是否初选就已经剑指冠军时，盈盈就表示其实报名的时候没有太大信心：“当时仲有好多好高质素嘅佳丽，好幸运入到围、知道竞选嘅情况已经好好。”她又鼓励大家鼓起勇气挑战自己：“只要系畀到你好大嘅动力、决心，就踏出呢一步去报名，就系最好嘅理由。”
冯盈盈提醒各参赛者化淡妆：“首先一定最好都化少少妆以示尊重比较好，每年都有好多佳丽选择以素颜示人，可能佢哋本身清丽可人，但普遍嚟讲大家都会化妆点缀自己先去。记住系少少妆，千祈唔好重手，唔好因为觉得呢件事好紧要、好隆重就化得比较浓或者太艳丽，反而咁会有反效果。评判又睇唔到你真实嘅轮廓、五官，就唔系好啱评判想睇你真面目嘅目的。”
衣着方面就没有太多规限：“衣着方面我觉得最紧要系啱身，我相信好多去面试嘅女仔都系初次面对镜头，但又会有好多好多记者、镜头多角度想帮你影相或者同你做访问，若果件衫唔啱身就会有走光嘅危机。咩风格其实都冇限嘅，衬返自己就OK。”
冯盈盈又贴心提醒炎炎夏日大家都必须注意的问题：“分享返当时嘅经验，大家去参选港姐都会比较紧张，就会有腋下出汗嘅问题，呢个系真系会发生嘅问题，大会就好贴心咁喺我哋出场前提供纸巾，大家都可以Take care下呢个问题，Aware到会有呢个情况发生，衫就尽量唔好一掂水就变色、唔易干嘅质地，自己都可以做定防备措施，例如用多啲止汗剂，咁无论点紧张都唔会俾人见到。”
点击图辑看看近3届大热门港姐初选时又Pure又True的妆扮：