【妈妈唔易造】黄泽锋52岁太太曾因宫寒难成孕：试足9年！

TVB真人骚《妈妈唔易"造"》解构一众妈妈由生仔到凑仔的辛酸史，引发不少妈妈心中的共鸣，更成为城中热烈讨论话题！最新一集讲到本港高龄产妇面对的挑战及困难，当中黄泽锋的太太陈丽丽（Lilian）以52岁之龄自然怀孕，相当厉害！

黄泽锋跟太太Lilian结婚9年，自从去年底宣布陀B成功后，不少人都好好奇Lilian高龄怀孕的秘诀，Lilian接受《香港01》访问时就透露自己同样是“寒底”之人，加上早年脊骨及盆骨移位而影响怀孕：“我后生𠮶阵身体都好弱，如果唔系都唔洗等足9年先有BB，属于宫寒，每次月经都好痛，而且脊骨同盆骨移位，压住啲神经，行步路都好痛，连医生都话冇得医！但最后有个朋友介绍个脊医俾我，帮我排返好啲骨，加上运动，身体就变返好。（睇咗几耐医生？）都年几，所以真系要病向浅中医！”

点撃下图重温二人甜蜜时刻！

除了睇脊医外，Lilian在饮食上都绝少食生冷食物：“冇特别食咩补品，平时同老公都忙住做嘢，所以都系出街食饱就算！不过我本身就唔烟唔酒，亦都好少食生冷嘢，连沙律都少食，但间中都忍唔住饮冻饮，而家陀B就当然冇喇！”

当然运动也非常重要，Lilian听从医生建议后开始运动后，她指身体的确“暖”了不少：“自从整亲脊骨同盆骨，医生都话我要靠自己运动，所以都开始打拳同教拳。”除此以外，Lilian的心态亦相当紧要，她称：“唔好放弃，我同老公一直都冇放弃过，唔得就再试，试足9年。另外，自从离职之后冇压力，心情好好，我估都系最大原因！（点解𠮶唔得唔睇医生？）身边都有朋友做人工嘅，但自己就比较抗拒，一嚟好贵，二嚟要打排卵针又觉得好辛苦同好惊所以就放弃。”

Lilian宣布怀孕后，因自己是高龄产妇，她直认受到不少闲人闲言，但亦无阻她再追B的决心：“如果可以我哋都想再追多个，虽然有俾人闹，但我哋惊得一个会闷，都希望B女有个伴，但一切都随缘！”