黄泽锋52岁太太高龄陀B　51岁准备做老窦：2019愿望成真

现年51岁前无线艺人黄泽锋与现年52岁的太太陈丽丽于2010年结婚，两人一向都好喜欢小朋友，可是婚后一直未有好消息，而刚踏入2019年不久，两人终于有喜讯要宣布喇！呢日黄泽锋于他的facebook出post贴了一张BB粉红色手套的相，并留言表示：“#1+1=3 #2019愿望成真 #以欣喜之心迎接新生命的来临 #一家三口 #乐也融融。”同大家开心share他同太太即将要迎来新生命，真系恭喜晒呀！

黄泽锋并未有透露BB的性别，不过见他相中的手套是粉红色，未知可会是女仔呢。其实两人咁钟意小朋友，仔女都绝对无所谓啦，最紧要BB健健康康。而他的太太属于高龄产妇，兼且又是头一胎，当然要万事小心啦。据悉，BB的预产期在今年的7月，而黄泽锋亦已经着手为做爹地妈咪作好准备，且要加倍努力工作揾奶粉钱了。

问到两人是否婚后至今9年来都有努力造人，他说：“我哋结婚时都已经40几岁，一直都无避孕，有就系福气，无就算，其实过咗咁多年都无谂住有㗎喇，亦无刻意去用咩方法嚟造人，所以知道时都好惊喜，既惊且忧，要好勤力去揾奶粉钱，大嘅唔食细嘅都要食吖嘛。大家有Job记得揾我，我咩job都接，揾得几多得几多。”他又谓两人有做过身体检查，都是健康正常可以生育的，只是多年来一直未有成功。

那么今次是有甚么怀孕的秘诀？黄泽锋说：“我同太太都系教泰拳嘅，我仲要教埋游水同拍戏，两个都真系好忙，佢教拳一星期教足7日，日日朝10晚11，可以话系年终无休，系农历新年先会放几日假，好辛苦，每日收工已经好攰，个人又会好stressful。到咗上年6月佢决定辞职休息一下，抖咗几个月，之前太辛苦喇，休息呢段日子个人先可以好好放松，就系咁就中咗喇，所以休息同放松心情真系好重要。呢个系我哋同BB嘅缘份，亦系天赐嘅礼物嚟。”他笑言现在当正太太是女皇一样服侍，太太没有特别的护胎规则要遵守，但因为是高龄产妇故要听从医生吩咐尽量多卧床。

一齐睇下呢对准爸妈嘅相啦。