杨千嬅拍短片被胶樽盖“兜头淋”　自爆被仔仔督促要环保

杨千嬅周四（30日）出席环保活动，在台上与一众嘉宾如丁子高、郭富城和叶德娴等，分享自己的环保和减塑习惯。千嬅表示觉得是次活动非常有意义：“我哋一班艺人好齐心好团结去为呢件事推广，系一个非常之好嘅教育，大家团结咗件事系好有力量嘅，同埋个impact系好大。”在宣传片段中，一大堆胶樽盖从天洒落到千嬅的头上，千嬅就话不感到痛，因为其实很轻，不过反而老公丁子高就比较担心，“佢成日惊整到我，其实惊咩啫，我哋拍戏惯咗，呢啲好小意思，不过可能佢唔想件事唔够好，佢系一个要求高嘅人。”

千嬅又指自己同老公都注重了环保，多用玻璃器皿，又换走家中不够环保的东西，少用胶袋，自备购物袋等等，她笑称：“成屋都冇晒胶用㗎喇！”她又笑言仔仔Torres是除了老公外，第二个“环保大使”，因为他学校的环保教育做得很足，连一次性的塑胶用品都不能带入学校门口，又有讲座教育照顾小朋友的家人，从生活做起减少制造塑胶垃圾，她分享：“我只不过行过超级市场，攞支油望一望，咁煮𩠌都要买支油㗎嘛，我都要尽量揾啲玻璃𠮶啲，佢（Torres）都会话‘妈咪，No more plastic’，呢件事系好好，佢会同佢啲同学一齐去处理呢啲问题，我系反而系受教𠮶个。”

近来网上疯传一张旧照，引来网民热烈讨论究竟是杨千嬅定郑秀文，千嬅回应︰“其实张相我又有印象系好多年前㗎㖞，因为应该系好耐之前，97年定唔知咩㗎，咁后尾再讲其实都几有趣呢件事，系一个美丽嘅误会，其实呢个话题由我出道讲到依家啦，咁又无乜嘢㖞，但系点解又会再传返呢？（记者解释有网民在西九龙中心的商店见到这张明星相）咁好珍贵㖞，我又唔知有呢件事㖞，咁唔紧要啊，依家分到咪得啰，不过唔系，有时都有机会认错嘅，某啲角度我自己都觉得似，无乜所谓，人人都有一个相似嘅地方嘅，咁OK㖞！”

点击下图观看更多图片︰