【婚姻合伙人】林秀怡真身上连登　大胆回应网民：讲咩都冇乜所谓

林秀怡（Kirby）周三（29日）与电视剧《唐人街》一众演员及工作人员进行收工饭聚，谈起正在热播的电视剧《婚姻合伙人》，林秀怡在剧中饰演施嘉露，是贝竞枝（高海宁饰）的好朋友。随著剧集的讨论度越来越高，林秀怡亦随之入屋，令到更多观众开始认识她，Kirby说：“开头冇谂过呢套剧有咁多人支持，好开心而家有咁多人钟意，大家都冇话有好多恶言出嚟，多谢大家口下留情！”

林秀怡在剧中与陆永是一对欢喜冤家，及后二人更会发展成一对情侣，二人之间打打闹闹的戏份引来不少笑声，Kirby说：“我超级多谢陆永，因为呢个对手令啲笑位系更加升级咗。我哋拍嘅时候完全唔尴尬，唔知点解佢完全唔当我系一个女仔！有记者问佢揸我Pat嘅时候系咩感觉，佢话：‘点解我哋拍𠮶时我完全唔觉系个Pat？’即大家只当佢系一嚿肉，同揸手臂一样！”

在剧中林秀怡与陆永有一场浴缸戏，Kirby身穿吊带喱士睡衣上阵，被指甚是性感：“其实𠮶场戏我都特登拣咗件比较多布嘅衫，因为我惊电视尺度唔出得街，好彩最后都过到。”Kirby不时都会在个人社交媒体展示傲人身材，被问到会否想拍多些性感戏份，她就笑说：“我应该行唔到性感路线，因为我又稍为肥啲啦，又似啲男人啦，行唔到索女路线。”Kirby又直言自己能接受的性感尺度：“到到都露得，就唔可以露手臂同肚腩！（真系到到都露得？）都还可以，点𠮶啲就梗系遮住，其他都OK！”

林秀怡最近又化身网民，亲自到讨论区连登回应网民意见：“其实我一直都有睇连登嘅留言，睇睇下就见到高Ling（高海宁）出现，佢又叫埋我一齐上去倾，我就开始覆大家嘅留言。过程中都开心嘅，见到啲话我好核突嘅留言，我就会覆返话：‘唔好咁啦，俾下面睇下啦！’好似大家都开心啲，就少咗唔好嘅留言！”关于留言比较大胆这件事，林秀怡大方回应：“我都系时下年轻人嚟，佢哋讲得出我就答得出，大家都喺网络世界，应该讲咩都冇乜所谓，尽量唔好人身攻击就OK。”

林秀怡在《婚姻合伙人》算是第二女主角色，但及后都是演配角居多，Kirby就说自己并不会因为角色戏份的多少而不高兴：“其实喺呢行都习惯咗，可能上一套剧有啲对白讲嘅，下一套剧就可能系路人，都习惯咗呢种模式；希望嚟近嘅每个角色我都尽量做好佢，希望多啲人留意到我。”Kirby又表示自己喜欢演喜剧：“钟意拍喜剧因为拍嘅时候开心、睇嘅时候开心、人哋睇到都开心，我好钟意呢种感觉。”