【婚姻合伙人】高海宁永远只有性感？　“唔可以怪大家咁谂”

高海宁（高Ling）初出道至今给人感觉以性感形象示人，但是近几年会发觉到她收起性感，为能成为一名实力派演员直言下了不少苦功：“其实系呢方面公司帮咗我好多，畀咗好多唔同角色我去挑战。我仲有四套剧集未播出，呢四套剧集唔需要卖性感，不过其实公司好少叫我去演性感角色，同埋我觉得我只要用心去工作，大家都会见到，咁就唔洗再刻意要求我性感，随著时间大家都会见到我卖点唔再系性感。”

相信大部份观众都觉得高Ling等同性感，她亦不怪责大家对她的这个印象：“其实唔系我想Sell性感，而系大家对我印象系性感，我用咗很多时间去改变大家对我呢种睇法，当初的而且确唔可以全怪责大家，因为我选香港小姐时候喺去加勒比海，去咗十几日每日都著泳装，所以变成大家只会专注𠮶个地方，定咗高海宁就系好性感。”

人生就是不断学习，而高Ling学习的课题便是“看开”，当能够看开很多事情生活上会变得有趣和顺利，高Ling坦言：“我依家接受咗性感呢件事，性感对我嚟讲系一个褒奖，因为好多人都同我讲唔系每个女仔都可以做到一个性感感觉畀人嘅，咁我谂下都系嘅，同时间我觉得我性格属于爽朗，另外同时我又畀人感觉性感有女人味，咁OK呀，两个加埋唔错，依家赞我性感我会同你讲返声多谢。”