【婚姻合伙人】剧中咬字不清 原来背后有因 高海宁：当时好严重
撰文： 吴子生
出版：更新：
高海宁（高Ling)今日（25/5）现身柴湾出席无线剧集《婚姻合伙人》宣传造势活动。高Ling表示每晚都会追看剧集：“睇返两年前自己嘅演出，其实有啲位系可以处理得好啲嘅，再睇返当时自己个样，比较宜家系瘦啲，系越拍越瘦，你哋会喺一啲场口可能会见到我块面圆圆肿肿，但有啲又好精致又好瘦，咁所以我觉得瘦啲原来上镜系靓啲。”
这套轻松爱情小品剧集《婚姻合伙人》成功入屋俘虏一众视迷，高Ling在剧中神勇性感演出更为吸睛，连每一句对白发音咬字都备受视迷关注，有网友表示高Ling讲较长对白时，咬字唔清晰。原来背后系有莫大因由，大家听下高Ling点讲：“其实我想同大家讲对唔住，其实我宜家都仲箍紧牙，而当时我系啱啱上牙箍，仲要系箍喺里面，咁所以又拆唔到，可以讲当时系好严重，因为适应唔到，但到宜家就算我好想咬实啲字嘅时候，你都听到我有好似漏风咁嘅情况，而我今早同医生讲我可唔可以拆咗佢，医生话俾多一个月佢，所以我好期待一个月后，我可以做返咬字清晰嘅我啦。”