【晚吹】点先算系情侣？　程美段：睇戏拖手咀咀都唔一定系

近日因“出粮风波”而突然人气急升嘅程美段（Kiwi），喺最新一集ViuTV节目《晚吹－女学生‧吹水班》中，提到自己过往嘅情史，她透露自己虽然系就读男女校，又有唔少追求者，但就直到毕业后先发生初恋……之不过，对于拍拖嘅定义，程美段就似乎同大家有少少出入，因为佢话自己唔系好识拒绝人，所以就算“睇戏、拖手、咀咀”都唔算系拍拖，而只能当系好感……

听到程美段呢番“好感”言论，主持人骆振伟（Thor）都终于忍唔住问“点先算系情侣？做过爱 ？”估唔到程美段嘅答案竟然系“做咗都唔一定系”咁系啱㖞，如果唔系点会一夜情，咁到底程小姐嘅“情侣”定义是什么呢？佢最终唔系好答得出，并谓“无特地去谂”见到一众主持人呆一呆，程美段就话向来唔识拒绝人，就连坐地铁比人摸都只会哑忍。“最初会体谅，觉得系因为迫，佢真系摸上啲㖞，真系feel到到佢摸，我就觉得好明确啰。”程美段之更指出当时遭对方由大腿外侧摸到大腿内侧近私隐部位……摸到咁出面，主持人骆振伟都认为程美段当时应该大叫非礼，但程美段就唔敢，只系赶快落车了事。估唔到追粮时就咁勇敢，但被非礼时就如此龟缩。