【法证先锋IV】李施嬅六月回巢重拍不计酬劳：唔可以自私只谂自己

李施嬅（Selena）今日（9日）出席护眼活动，讲到因为“安心事件”，《法证先锋IV》即将重拍黄心颖的相关戏份，李施嬅即使已离巢TVB，亦会回去进行补拍，她说：“其实系影响到好多人Schedule，但我自己有少少唔舍得，因为我之前喺TVB拍咗咁多年戏，要离开其实有啲心嗡，今次可以返去再拍，系有少少开心可以同佢哋再见面，有少少挂住佢哋；所以就算影响后面嘅Schedule，我都会尽量配合。”

Selena预计六月中旬回巢重拍《法证先锋IV》，当问到受影响的部份大不大时，Selena说：“其实仲未落实有几多，因为而家仲调整剧本，所以仲未知实际要用几多时间补拍。我谂小青姐（监制）会尽量安排唔影响到大家，因为佢都知道要所有人返嚟拍，系大家都已经有其他工作。”当问到回巢拍摄收取多少酬劳时，Selena回应：“我又冇谂酬劳，因为我觉得呢刻唔可以自私只谂自己，呢件事系个团队嘅事，一齐去面对；唔会话离咗巢就可以要求多啲钱，希望尽量令件事更好。其实系可以返去见下啲同事又开心，套剧可以成功出街已经系最大酬劳。”

现年38岁的Selena被网民大赞保养得宜，她亦不吝啬地分享了一些心得：“真系唔可以懒，要做运动；尽量饮多啲水、少啲珍珠奶茶；食得健康啲，我会尽量食多啲素，少啲食肉，因为肉好多毒素。如果大家都可以调整食得健康啲、清啲，皮肤就会靓啲、后生啲。我有啲朋友系食全素，虽然年纪都大，但睇落去仍然好年轻。”