李施嬅出战加拿大奥斯卡坐头排 与英国老视后同级：好难得好开心
李施嬅（Selena）凭有份参演嘅加拿大剧集《Blood and Water》（血与水），角逐有“加拿大奥斯卡”之称的《2019年加拿大银幕奖》（Canadian Screen Awards）电视组别“女配角”，颁奖礼日前于加拿大举行，李施嬅获大会安排与同样系角逐女配角嘅英国老戏骨Geraldine James同坐于第一排，十分威水，连佢自己都喺IG表示︰“加拿大都有前排座，座（坐）错位吗？”而网民亦大赞李施嬅绝对有资格可以得到更好。
虽然李施嬅最终都无缘获奖，但她越洋接受《香港01》访问时就表示对手Geraldine James太强劲，所以早已预计到结果。“其实都系抱住志在参与嘅心情嚟，但行红地毯时都真系好紧张，一来全部都系唔熟悉嘅面孔，同埋大家都好正经，唔似得香港记者朋友咁causal，二来好怕佢哋唔知我系边个，所以心情怪怪哋。”李施嬅透露，今次的提名名单当中，就她所见，似乎只有她一位中国人。“其实外国演艺事业一直都有唔少中国人参与，但加拿大就唔系好多，自己可以代表香港去参与，仲有得提名系好难得好开心嘅事。”
提到今次颁奖礼最大惊喜，李施嬅就话自己意外地获得了“最佳衣着奖”。“系去广告时，大会颁发最佳衣着奖俾我，但因为当时我同朋友倾紧偈，所以完全唔知发生什么事，要其他人提先知，哈哈！系有少少尴尬。”李施嬅身穿嘅萤光长裙出自澳大利亚品牌Toni Maticevski，该品牌虽然并非欧美名牌，但凭着出色剪裁及新颖设计，近年成功冒出头，就连周慧敏都帮衬过。“自己本身都担心会carry唔到，真系拣咗好耐，但Toni Maticevski嘅团队话呢个色系嚟紧嘅trend，鼓励我去试。本身系拣咗紫色，但觉得萤光系好开心嘅颜色，好能够表现到我心情，话晒都第一次参加外国颁奖礼同提名嘛。”萤光战衣在颁奖礼当晚获极大回响以及赞赏，令李施嬅十分开心。“我仲讲笑咁话，如果想揾集合地方，可以同人讲‘meet at Selena’就得㗎啦。”
《三夫》女主角曾美慧孜有冇机会成为民选影后？即刻参加《香港电影我撑场．民选大奖2019》，你嘅一票制造无限可能。