【铁探】蒋祖曼演黑帮阿嫂受尽凌辱 自爆角色其实唔软弱！
TVB重头剧《铁探》收视屡创新高，除了惠英红、姜皓文和黄智贤等为观众带来连场好戏外，“独立电影女皇”蒋祖曼（Joman）亦一改以往正气角色，首次挑战演黑帮阿嫂，剧中除了甜美的粉红色发型令人耳目一新外，与梁竞徽和杨潮凯的感情线亦相当令人期待！
Joman继剧集《使徒行者2》后再接拍TVB剧集《铁探》，在剧中首次挑战演黑帮阿嫂的她接受《香港01》访问时，透露事前为角色Iris做了不少准备：“当我知道原来今次系做黑社会大佬嘅女人嘅时候，我有种如愿以偿嘅感觉，因为《警界线》之后都做好多着制服嘅角色，我成日都话自己系专业的制服户，咁都好想再试下其他角色，希望畀观众见到我另外一啲可能性同埋空间。其实我今次都好紧张𠮶反应，未播之前我都成日捉监制、导演同编剧问佢哋睇完片觉得点，因为我都好惊观众唔系好睇得惯，因为平时都做开啲好硬净嘅角色，希望佢哋今次都有耳目一新嘅感觉！”
点撃下图重温Joman正气角色！
为了更投入角色，Joman除了事前特意到油尖旺实地观察外，她更不惜以真发上阵，为了粉红色发型前前后后染足26次，她称：“系呀，今次染咗26次个头呀！对于头发嚟讲真系最大挑战，但我又几开心，因为好钟意咁样，因为为咗角色我又晒黑咗喇，我又染咗个头发，每次拍完嘢之后我都可以带埋角色嘅一部分返屋企，对于我自己嚟讲感觉系几好！不过，认真…唔知大家觉唔觉，每次头发个颜色都有啲唔同，过咗3、4个月之后我开始甩头发同断得好劲，而家都仲一路断紧，因为我都留紧长头发，但啲人就问我点解越嚟嚟短，因为真系断得好犀利！希望断完，我啲头发可以重获新生！”
点撃下图睇更好发型变化！
虽然牺牲好大，但就Joman就透露发生了一件令她“唔知好嬲定好笑”的事，她笑言：“记得有一日有个替身个头发同我一样，我问导演点解佢个假发只颜色点解同一样，咁一样点解要染，导演话系㖞之后就冇出声，但我都觉得系好嘅，我钟意嘅，可以为角色经历一啲唔同嘅嘢！”
剧中Joman不时被杨潮凯当众掌掴和侮辱，Joman就透露角色的前置比这些更可怜：“个角色直情系好惨，大家见到嘅只系一部分，其实故事有一啲前置，佢身世好可怜，相比起比人掴惨好多。佢细个已经系妓女，父母又俾人杀咗，所以陆蔚乔为咗生存做呢啲嘢，虽然个个觉得佢好惨，但其实我觉得喺佢角度唔觉得自己系好悲惨嘅人。另外，对于认识我嘅人嚟讲，其实会觉得我演警察会好唔同。因为我本身真系好小女人，无论拍拖定对住啲男朋友，我都系听晒佢哋话𠮶啲人嚟，都几唔似大家平时见到我𠮶个样！反而呢个角色比较偏近返我，因为我都好听话，咩都系另一半话事，我都系属于呢一只。”
而不少网民猜测Joman的角色并不简单，她笑称：“系呀，我系越南军官嘅养女，微博都好多人都有私讯我系咪final boss，大家估下，我唔可以剧透，我只系可以讲我个角色并唔简单，唔系大家想像中咁软弱！”