【铁探】营长吴廷烨原来系孝顺仔　亲自煮饭俾阿妈食

TVB重头剧《铁探》播出以来深受好评，除了主演惠英红、姜皓文和袁伟豪交足戏外，一班配角亦相当抢镜！日前播出的一集中，悍匪山狗（林伟饰）虽然于第五集被垶Sir（袁伟豪饰）击毙，但真正的幕后大佬营长（吴廷烨饰）终于现身！吴廷烨一出场，饰演越南黑帮大佬的他杀气十足，霸气的眼神加上熟练的吸烟手势，有型之余又令人不寒而悚！

现年58岁的吴廷烨与梁朝伟丶周星驰及吴镇宇同是TVB第11期艺员训练班出身，虽然发展不及三位影帝，但工作长做长有，饰演过无数经典角色，让观众至今印象深刻。吴廷烨接受《香港01》时就透露原本角色在第5集出场，如今拖到第9集才出场，令他相当心急！对于网民大赞他有戏味，他笑言：“多谢大家，我自己都好渴望见到自己出场。（呢个角色对你易如反掌？）唔会，都谂咗一阵究竟要点演绎“营长”，最后选择用低沉的声线去演，唔知大家有冇留意到我都会讲几句越南文，为咗呢个角色特登去学咗十几句。”

点撃下图重温他霸气登场！

首次拍TVB剧过足戏瘾　吴廷烨建议再拍前传

首次接拍TVB剧集的吴廷烨就直言这次过足戏瘾：“第一次正式返嚟TVB拍剧，就part住红姐（惠英红）、黑仔（姜皓文）同埋阿Ben（黄智贤），个个都交足戏，大家啲戏又可以撞一撞，真系好好玩。不过就略厌唔够喉，因为其实呢个角色都好有发挥，如果讲埋佢之前经历过啲咩而变成咁都应该会好睇。（想拍营长前传？）系呀，后传都得，因为最后佢未死。”

吴廷烨单身多年　吴廷烨相信缘份：有女士出现都会试！

不过人红是非多，最近唔少媒体都重提他与张文慈的传闻，他就笑言：“冇追佢，要追一定搞掂。讲笑嘅，唔知点解咁多年都冇嚟个心，大家都冇主动。（有冇发展空间？）佢都系一个好女仔，我都希望有突破，唔会排除呢个可能。（点解单身咁多年？定系冇俾人影到咋？）过往好享受单身生活，好习惯自我，同埋空间。不过，近年都成熟咗，如果缘份真系到，又有个女士出现都会试吓。”

搬出半山全因照顾90多岁母亲

对于有报道指吴廷烨早前由之前的半山寓所，搬入黄大仙凤德邨公屋居住，他就直言：“系呀，而家对生活冇咩追求，搬返去照顾妈咪。佢都90几岁，视力又唔好，所以而家要照顾佢，间中都要煮饭畀佢食。以前佢照顾我，而家我照顾返佢！（妈妈有冇催你娶老婆？）以前就有，而家过咗𠮶段时间。”虽然吴廷烨擅长演反派角色，但其实私下是一名超孝顺的大暖男！